Góðan daginn lesendur Fótbolta.net. Hér verður bein útsending frá leik ÍBV og KR í 8-liða úrslitum í Borgunarbikarnum.

Hjá Eyjamönnum eru Brynjar Gauti og George Baldock að taka út leikbann. Svo meiddust Tonny Mawejje og Christian Olsen í leik St.Patrick\'s og ÍBV í Evrópudeildinni á dögunum. Það sem að kemur á óvart í liði KR er að Guðmundur Reynir er á bekknum. Svo eru Kjartan Henry og Wheston meiddir í liði KR.

Um helgina fór fram goslokahátíð í Vestmannaeyjum svo að það búast við að það verði góð mæting á áhorfendapallana í dag.

Leikurinn verður einnig sýndur á Stöð 2 Sport.

Fólk er byrjað að mæta í nýju stúkuna á Hásteinsvelli sem er verið að vígja í dag.

Leikmenn liðanna eru kominn inná völlinn.

Leikurinn er hafinn og KR byrja með boltann.

Leikurinn er hafinn.

Viktor Bjarki komst að vítateignum og átti laflaust skot framhjá. KR var aftur með skot sem Óskar Örn átti en beint á Abel í markinu.

Eyjamenn virðast vera í vandræðum. KR er yfir í allri baráttu.

Það kom sending inná teiginn sem Eyþór Helgi fékk og hann ætlaði að leggja boltann framhjá Hannesi í markinu en Hannes gerði vel og lokaði vel á markið.

ÍBV vildu fá dæmda hendi á Bjarna Guðjónsson en ekkert dæmt.

Eyþór Helgi með gott skot en boltinn framhjá.

Eyjamenn að fá hornspyrnu eftir að Gunnar Már sendi inn í teginn en KR hreinsaði í horn.

Abel Dhaira markmaður ÍBV er eitthvað að kveikna sér hérna á vellinum.

Gunnar Már með skot sem fer upp í hendina á Viktori Bjarka. Aukaspyrna á hættulegum stað sem TG#9 stillir boltanum upp!. Boltinn fer vel yfir markið hjá Tryggva.

Guðmundur Reynir með fyrirgjöf og Abel kom út og ætlaði að hirða boltann en boltinn fór í gegnum teiginn og enginn hætta.

Víðir með sendingu inn á Tryggva og Hannes fór í skógarhlaup að Tryggva sem náði skallanum en boltinn framhjá markinu.

Ian Jeffs vann boltann og hljóp með knöttinn inn í teiginn þar mætti Grétar Sigfinnur og tæklaði boltann í burtu. Strax í næstu sókn hjá KR átti Óskar Örn góða sendingu á Emil Atlason sem skallaði hátt yfir.

Aðeins mínútu seinna átti Óskar Örn aftur sendingu sem bæði Þorsteinn Már og Emil misstu báðir af í teignum.

Óskar Örn með lélegt skot beint á Abel

Eyþór Helgi var við það að sleppa hérna í gegn. En Grétar Sigfinnur gerði vel og vann boltann og bjargaði því að Eyþór væri kominn í dauðafæri.

2 mínútum bætt við fyrri hálfleikinn.

Kominn hálfleikur hérna á Hásteinsvelli. Eyjamenn leiða 1-0 eftir að Eyþór Helgi gerði frábært mark.

Leikurinn búinn að vera frekar kaflaskiptur hérna. KR byrjaði leikinn betur og voru að skapa sér hálffæri. Svo tóku Eyjamenn völdinn eftir 20 mínútur eða svo og náðu góðu marki. Eftir markið dó leikurinn hægt og rólega og varð meira bara barátta um boltann á miðjunni. Vonandi fáum við skemmtilegri seinni hálfleik sem fer að hefjast hérna eftir nokkrar mínútur.

Síðari hálfleikur er byrjaður!

Viktor Bjarki með létta sendingu fyrir markið en Abel stekkur hæð sína og grípur tuðruna, engin hætta

Þorsteinn Már skallar boltann að marki ÍBV, en skallinn laus og ekkert að frétta. KR-ingar búnir að vera hættulegri þessar fyrstu mínútur síðari hálfleiks og Eyjamenn þar með búnir að liggja aftarlega!

Í hálfleik buðu áhorfendur stuðningsmann eyjamanna Þorvarð Þorvarldsson velkominn aftur á Hásteinsvöll eftir erfið veikindi.

Guðmundur Þórarinsson missti boltann fyrir utan vítateig, þar sem Viktor Bjarki senti boltann á Óskar Örn sem átti skot hátt yfir markið! Þetta er að verða að hörkuleik!

KR-ingar fá víti, Þórarinn Ingi fer í bakið á Þorsteini Má! Óskar Örn fór á punktinn og Abel Dhaira varði frá honum, laus spyrna og Abel valdi rétt horn!

Leikurinn búinn að vera virkilega spennandi, bæði lið búin að eiga nóg af færum og mikil barátta á miðju vallarins þar sem Tryggvi Guðmunds og Bjarni Guðjóns takast á!

Þorsteinn Már sparkar aðeins í löppina á Matt Garner eftir að Garner negldi boltanum fram völlinn, stuðningsmenn og leikmenn ÍBV og vildu fá aukaspyrnu en ekkert dæmt og boltinn rúllar.

Eyjamenn í stórsókn, Eyþór Helgi gerir vel og reynir síðan að leggja boltann á Ian Jeffs sem er á vítapunktinum.. en Grétar Sigfinnur gerir betur og sparkar boltanum í horn. Hornspyrnan var slök og KR ingar fóru upp með boltann!

Eyþór Helgi Birgisson með lúmskt skot fyrir utan teig og Hannes Þór neyðist til að bjarga í horn!

ÍBV með rosalega sókn, Eyþór Helgi komst einn á móti Hannesi þar sem Eyþór reyndi að lyfta boltanum yfir hann en Hannes varði og þaðan fór boltinn á Ragnar Leósson sem skaut lausu skoti á Hannes, Hannes varði boltann í 2 skiptið í fæturnar á Ragnari þar sem hann toppaði fyrra skotið og skaut enn lausara skoti í fangið á honum!

Venjulegur leiktími er liðinn hér í eyjum, 3 mínútur í viðbót!

Leikurinn er búinn hér í eyjum, rosalegur endir á flottum leik!