Komið þið sæl! Framundan er leikur Víkings og Grindavíkur í 8-liða úrslitum Borgunarbikarsins. Það verður leikið til þrautar á Víkingsvelli og möguleiki á framlengingu og vítaspyrnukeppni. Víkingar leika í 1. deildinni þar sem gengi þeirra hefur ekki verið gott. Liðið er í níunda sæti. Grindvíkingar eru í neðsta sæti Pepsi-deildarinnar en unnu sinn fyrsta deildarleik sumar þegar þeir lögðu Val í síðustu umferð.

Tónlistin er farin að óma í Víkinni og Elvis-eftirherman Jósef er byrjaður að grilla pylsur. Byrjunarliðin eru komin inn. Paul McShane er kominn aftur í leikmannahópinn hjá Grindavík og var að fá sér íþróttablys fyrir utan þegar blaðamaður Morgunblaðsins rann í hlað.

Tómas Meyer spáir í spilin: Það er erfitt að spá fyrir um úrslit leiksins en ég hallast að sigri Grindavíkur.

Það rignir hér í Víkinni og blæs aðeins. Stúkan ver fólk fyrir því í kvöld. Hitastig 12 gráður.

Kristinn Jakobsson dæmir leikinn og er í markvissri upphitun ásamt aðstoðarmönnum sínum þessa stundina.

Þegar þessi lið mættust í Pepsi-deildinni í fyrra léku þau 180 markalausar mínútur. Vonandi fáum við markaleik í kvöld en ég ætla ekki að veðja á það.

Leikurinn er hafinn Grindvíkingar byrjuðu með boltann. Jón Guðbrandsson er miðvörður hjá Víkingi með Agli Atlasyni í kvöld.

Hætta upp við mark Víkinga eftir hornspyrnu en heimamenn náðu að bægja hættunni frá.

Scott Ramsey með aukaspyrnu á hættulegum stað. Skot hans rétt framhjá.

Hjalti Már Hauksson með hörkuskot sem fór í stöngina. Þokkalegt líf í þessu hér í byrjun þó fótboltinn sé ekki í háum gæðaflokki. Grindvíkingar verið meira með boltann.

Víkingar vildu fá vítaspyrnu þegar Helgi Sigurðsson féll í teignum. Ekkert dæmt og það við mikla gremju Helga.

Hjörtur Hjartarson fær sér kaffi í stúkunni. Hann er meiddur og því ekki með í kvöld. Sama á við um Reyni Leósson.

Víkingar virðast vera að ná undirtökunum. Hafa verið ógnandi í föstum leikatriðum síðustu mínútur.

Pape Mamadou Faye með skot í stöngina eftir að Egill Atlason hrasaði í teignum. Víkingar í stúkunni vildu fá dæmda aukaspyrnu í aðdragandanum.

Þetta mark kom gegn gangi leiksins en Víkingar hafa verið öflugri.

Magnús Björgvinsson með fallegt skot sem fór í stöngina! Eftir það barst boltinn út á Scott Ramsey sem var í dauðafæri en hitti ekki markið.

Hálfleikur - Flautað hefur verið til hálfleiks. Staðan 1-0 fyrir gestina úr Grindavík.

Seinni hálfleikur hafinn.

Grindvíkingar mun öflugri núna. Spurning hvort trúin sé farin úr Víkingum?

Það er voða rólegt yfir leiknum núna. Liggur ekki nein endurkoma hjá Víkingi í loftinu.

LEIK LOKIÐ Grindavík er komið í undanúrslit bikarkeppninnar eftir sannfærandi sigur á Víkingum. Uppleggið hjá Guðjóni Þórðarsyni gekk fullkomlega upp í kvöld.