SKÝRSLAN: Valur komst í pottinn eftir framlengingu
Hvað réði úrslitum?
Valur skoraði tvö mörk en HK bara eitt, það telur í þessum fótboltaleikjum en bæði lið fengu aldeilis færi til að skora meira.
Bestu leikmenn
1. Rasmus Christiansen (Valur)
Rasmus var frábær í vörn Vals og stoppaði ófáar sóknirnar auk þess að skapa hættu frammávið líka en hann var klaufi að skora ekki eitt mark.
2. Birkir Már Sævarsson (Valur)
Birkir kom inná með gríðarlega kraft og gæði, keyrði vel á vörn HK og braut hana aðeins upp auk þess að leggja upp sigurmarkið fyrir Sigga Lár.
Atvikið
Dauðafæri Bjarna Gunn með 120 mínútur á klukkunni, slapp einn í gegn og gat tryggt HK vítaspyrnukeppni en landsliðsmarkvörðurinn lokaði vel og Bjarni skaut framhjá.
Hvað þýða úrslitin?
Valur verður í pottinum fyrir undanúrslitin en HK hefur lokið leik þetta árið.
Vondur dagur
Margir leikmenn ekki með flugeldasýningu í dag en heldur ekkert mikið um vondar frammistöður, Óli Eyjólfs var upp og ofan, Eiður Aron átti tvö mistök sem hefðu getað kostað, ÞÞÞ sást ekki mikið en gerði engin mistök bara svona svo eitthvað sé nefnt en engin afgerandi slakur í dag.
Dómarinn - 5
Elli gerði engin risa mistök en sumir dómar furðulegir og soft, fór mikið í taugarnar á báðum liðum.