SKÝRSLAN: FH-ingar áfram í undanúrslit
Hvað réði úrslitum?
FH-ingar voru betri á flestum vígstöðum í dag. Eru 2-0 yfir í hálfleik og var eftirleikurinn nokkuð auðveldur eftir það.
Bestu leikmenn
1. Þórir Jóhann Helgason
Þórir leggur upp fyrsta markið og skorar það þriðja úr aukaspyrnu sem að hann fiskaði. Frábær leikur hjá miðjumanninum unga.
2. Guðmann Þórisson
Stjörnumenn voru í tómum vandræðum með að skapa sér færi í dag og var Guðmann eins og klettur í vörninni. Guðmundur Kristjáns var einnig mjög góður við hlið Guðmanns.
Atvikið
Það var nóg af vafaatriðum í þessum leik. Stjörnumenn vildu fá rangstöðu í fyrsta marki FH og eftir nána skoðun virtist stóra táinn á Lennon vera rangstæð. Hefði verið hart. Þá voru Stjörnumenn einnig óánægðir með aukaspyrnuna sem að þriðja markið varð til uppúr sem að kláraði leikinn. Þá var Alex Þór stálheppinn að fá ekki rautt spjald þegar að hann fór í tveggja fóta tæklingu á Steven Lennon
Hvað þýða úrslitin?
FH fer í undanúrslit Mjólkurbikarsins og Stjarnan er úr leik.
Vondur dagur
Vörn Stjörnunnar var ekkert sérstök í dag. Þá var Guðjón Baldvinsson ósýnilegur frammi.
Dómarinn - 5
Ætla að leyfa Helga að slæda með fimmu í dag. Erfiður leikur að dæma og margt sem að hann gerði rangt. En hann rétt slefaði á prófinu.