Helgi Mikael flautar til leiksloka. FH eru komnir áfram í undanúrslit.

Viðtöl og skýrsla koma síðar.

Ísak Andri með skalla eftir hornspyrnu Guðjóns Péturs en hann fer yfir markið.

BALDUR LOGI SVO NÁLÆGT AÐ GANGA FRÁ ÞESSU!!

Atli Guðnason með fallega sendingu á Baldur sem að er kominn einn gegn Halla en Halli lokar vel og ver laust skot Baldurs.

Sjö mínútum bætt við.

Heiðar Ægisson með fína fyrirgjöf sem að Guðmann ætlar að hreinsa en missir boltann einhvernveginn í gegnum sig. Hann er hins vegar fljótur að átta sig og setur boltann aftur fyrir endamörk. Ekkert verður úr hornspyrnu Stjörnumanna.

Guðjón Pétur með fína aukaspyrnu inná teig sem að Brynjar Gauti skallar hátt yfir markið.

Jónatan Ingi búinn að liggja hér út á velli eftir samstuð. Börurnar mættar og ég held að það sé enginn möguleiki að hann haldi leik hér áfram.

Þórir Jóhann með góðan sprett og fínt skot við vítateigslínuna en Halli er vel á verði og ver skotið hans.

Hilmar Árni með aukaspyrnu inní teig þar sem að Guðjón Baldvins er nálægt því að reka tánna í boltann en boltinn endar að lokum hjá Gunnari í markinu.

GUÐMANN MEÐ SKOT Í STÖNGINA!!!!

Hörður Ingi með aukaspyrnu utan af kanti sem að Halli missir af. Guðmann fær hann í lappirnar óvænt og nær skoti en það fer í utanverða stöngina. FH-ingar líklegri til að bæta við en Stjarnan að minnka muninn.

Hilmar Árni með góða hornspyrnu og úr verður allskonar klafs sem að endar með skoti Alex Þórs en það fer í varnarmúr FH og útaf.

Jónatan Ingi ekki lengi að koma sér í færi. Kemur sér í fína stöðu og hleður í skot en Daníel Laxdal kemst fyrir hann. Einhverjir FH-ingar vildu vítaspyrnu en það hefði verið rangur dómur.

Leikurinn hafinn aftur.

Ég er búinn að hafa samband við mitt persónulega VAR-herbergi og þeir segja að fyrra markið hafi staðið á því allra tæpasta. Stóra táin hans Lennon víst fyrir innan og fékk sóknarmaðurinn því að njóta vafans. Hægt að fyrirgefa aðstoðardómaranum það að mínu mati.

Þá flautar Helgi Mikael til loka fyrri hálfleiks. FH-ingar leiða með tveimur mörkum gegn engu.

Stjörnumenn fá hornspyrnu. Hilmar Árni snýr honum að marki en Gunnar Nielsen kýlir boltann frá.

HILMAR SKÝTUR Í STÖNGINA!!!!

Spyrnan er góð og virkaði á leiðinni inn en fer í utanverða stöngina. Spurning um semtímetra þarna.

Eggert Gunnþór brýtur á Hilmari Árna á stórhættulegum stað. Hilmar og GPL standa yfir boltanum.

Jóhann Laxdal með fína fyrirgjöf með vinstri fæti en Emil Atlason er aðeins of seinn og nær ekki til boltans.

Jónatan fer hérna illa með Jóhann Laxdal út á kanti og reynir fyrirgjöf en þar kemst Daníel Laxdal fyrir. Ekkert verður úr hornspyrnu FH-inga í kjölfarið.

Hilmar Árni í góðu færi til að jafna leikinn en skot hans fer yfir markið.

Egger Gunnþór gerir sig sekann um klaufaleg mistök og missir boltann í öftustu línu tim Emils. Hann er hins vegar fljótur að kvitta fyrir mistökin og kemst fyrir skot hans.

Emil Atla með skallatilraun eftir fína fyrirgjöf Þorsteins Más en boltinn nokkuð vel framhjá markinu.

Ólafur Karl Finsen með löppina ansi hátt og of seinn í Brynjar Gauta. Aukaspyrna og tiltal nægir í bili.

Eggert Gunnþór skallar yfir Stjörnumarkið eftir hornspyrnu Jónatans Inga.

Stjarnan sækir meira það sem af er leiknum en hafa þó ekki enn náð skoti á markið.

Stjörnumenn að skapa usla fyrir framan mark FH. Efitr undirbúning Emils átti Heiðar skot í varnarmann og í kjölfarið bjargaði FH í horn.

Liðin eru að þreifa fyrir sér á vellinum og vinna í að finna leiðir í gegnum andstæðinganna. Það hefur þo ekki gerst ennþá.

Leikurin er hafinn. FH byrjar með boltann og spilar í átt að Garðabænum.

Hjá FH byrjar fyrrum leikmaður Stjörnunnar, Ólafur Karl Finsen, frammi. Daníel Hafsteinsson er í leikbanni og er því ekki í leikmannahóp FH í dag.

Hjá Stjörnunni koma þeir Guðjón Baldvinsson, Jóhann Laxdal og Þorsteinn Már Ragnarsson inní liðið frá síðasta leik í stað þeirra Sölva Snæs Guðbjargarsonar, Jósefs Kristins Jósefssonar og Kristófers Konráðssonar. Liðin má sjá hér til hliðar.

Rafn Markús Vilbergsson fékk það verðuga verkefni að spá fyrir um leiki dagsins. Þetta hafði hann um þennan leik að segja:

,,Vonandi verður þetta vel spilaður leikur þar sem gæði liðanna mun fá að njóta sín. Bæði lið geta spilað flottan fótbolta, bolta þar sem hlaupaleiðir, hreyfingar með og án bolta eru mjög góðar og vel æfðar. Eftir stutt landsleikjahlé er Stjarnan að fara inn i hörku prógram, FH í bikar, KR, Valur og Breiðablik í deild. Ég hef mikla trú að Stjarnan komi vel undirbúin inn í þessa leiki, vinni FH og fari svo að breyta jafnteflum í sigurleiki í deildinni. Stjarnan vinnur 1-2 þar sem kraftmikill og beinskeyttur leikstíll Rúnars mun skína í gegn."

Þessi lið mættust í Pepsi Max-deildinni 17. ágúst síðastliðinn en þar sigraði Stjarnan 2-1. Sigurmark Stjörnunnar kom á lokamínútu leiksins og var það Halldór Orri Björnsson, fyrrverandi leikmaður FH, sem að skoraði það með hælnum. Propper senur.

FH vann sér sæti í 8-liða úrslitum með 3-1 sigri á Lengjudeildariliði Þórs. Daníel Hafsteinsson, Þórir Jóhann Helgason og Steven Lennon sáu um markaskorunina.

Stjörnumenn heimsóttu Víking R. og unnu þar 2-1 sigur. Emil Atlason og Hilmar Árni Halldórsson skoruðu þar mörk Garðbæinga.

Komiði sæl og blessuð og veriði hjartanlega velkomin í þessa beinu textalýsingu á leik FH og Stjörnunnar í 8-liða úrslitum Mjólkurbikars karla.