KR er komið í undanúrslitin eftir 4-2 útisigur á Breiðablik hér á Kópavogsvelli!

Vá hvað Kiddi Jóns fór illa með Oliver núna, tók gabbhreyfingu á hann og sendi hann á rassgatið, ætlaði svo að klobba Anton Ara en hann sá við honum og lokaði klofinu.

KR fá aukaspyrnu úti á hægri kanti.

Kiddi Steindórs með fast skot í nærhornið sem Beitir ver frábærlega aftur fyrir en það er búið að flagga rangstöðu.

Frábær tækling hjá Davíð! Stefán Árni kominn framfyrir Davíð og einn í gegn þegar Davíð nær sturlaðri tæklingu og krækir boltann af honum!

Finnur með góðan sprett og fær hornið á endanum.

Stöngin! Ægir Jarl skallar hornspyrnuna í innanverða stöngina en inn fer boltinn ekki, sá er að eiga stórleik hérna!

KR-ingar fá horn, leikurinn er eign þeirra þessa stundina.

Atli með fallegan bolta á fjær á Stefán sem skallar fyrir en Damir skallar boltann frá.

Blikar eru ekki að gera neitt þessa stundina, steindautt og nú sparka þeir boltanum bara beint í innkast undir engri pressu.

KR vilja víti hérna, Hjalti fer niður í baráttunni við Viktor Örn, sýndist Viktor ná boltanum en er ekki viss. Ekkert dæmt.

Blikar voru alls ekki slakari aðilinn í fyrri hálfleik en eru núna allt í einu 3-0 undir og útlitið svart.

Seinni hálfleikur fer mjög rólega af stað, vonandi förum við að fá eitthvað fjör í þetta.

Mikkelsen sparkar seinni hálfleiknum í gang.

Einar flautar til hálfleiks eftir miðjuna, alvöru kjaftshögg fyrir Blika að fá á sig 2 mörk á síðustu 5 mínútum hálfleiksins og fara inn í hálfleikinn 0-2 undir.

Kiddi Jóns með skot úr góðu færi í teignum sem Mikkelsen nær að koma sér fyrir, svo endar boltinn í hornspyrnu eftir klafs.

Viktor kemur með boltann yfir á Damir sem tekur hann niður og skýtur en beint í KR-ing.

Kennie og Höskuldur negla saman hérna, mér sýndist þetta vera öxl í öxl en sennilega full harkalegt. Aukaspyrna á góðum stað fyrir Blikana.

Atli reynir núna að setja hann yfir Anton sem er langt úti en það er rétt yfir markið og Anton var kominn til baka.

Aukaspyrnan hjá Atla beint í fangið á Antoni Ara.

KR fá aukaspyrnu út á hægri kantinum sem Atli býr sig undir að setja inn á teiginn.

Óskar sér að Anton er langt út úr markinu og tekur skotið frá miðjuboganum en það er vel framhjá markinu, skil hugmyndina vel!

Andri Rafn tekur hann viðstöðulaust á lofti að markinu og Finnur Tómas skallar hann rétt framhjá stönginni og í horn, munaði engu að þetta yrði sjálfsmark!

Gísli með fyrirgjöf sem fer af Pálma og aftur fyrir, hornspyrna.

Boltinn dettur út fyrir teig á lofti þar sem Kiddi Jóns tekur hann viðstöðulaust á lofti með hægri fætinum! Það skot fer auðvitað langt framhjá markinu.

Hvað er Anton Ari að brasa!?
Sendir boltann bara beint á Atla sem er í dauðafæri en skotið beint á Anton sem ver í horn, stálheppinn Anton þarna!

Aukaspyrna inn á teiginn sem Beitir er að fara grípa þegar er klárlega keyrt inn í hann en ekkert dæmt, boltinn dettur á Gísla með engan í markinu en KR-ingar komast fyrir skotið!

Það sýður allt upp úr hérna núna, Atli Sig og Davíð í baráttunni sem endar með að Atla klifrar yfir Davíð og lendir í jörðunni, ekki veit ég hvernig það gerðist en Davíð sparkar svo í bakið á Atla í kjölfarið. Ekkert spjald en mér sýnist Davíð vera ansi heppinn að svo var ekki.

Höskuldur með hornspyrnu sem Beitir lendir í basli með fyrst, hittir ekki boltann þegar hann ætlar að slá hann út en nær síðan að handsama boltann að lokum.

Kennie með góðan bolta inn á teiginn á Ægi Jarl sem slær bara vindhögg og hittir ekki boltann, þetta var gott færi sem Ægir hefði átt að gera miklu meira úr.

Höskuldur krullar boltann inn á teiginn en hann er aðeins of langur og Andri Yeoman nær ekki að halda boltanum inná.

Gísli með fastan bolta fyrir sem Beitir nær að slá frá hættunni, góður bolti hjá Gísla.

Bjargað á línu!

Höskuldur kemst upp að endamörkum og leggur hann út á Mikkelsen sem skýtur á markið, Beitir missir hann undir sig og þá kemur Finnur Tómas á síðustu stundu og neglir honum út, boltinn nánast kominn inn í markið!

Finnur Orri sparkar leikinn í gang, KR sækja í átt að Fífunni.

Það er verið að kynna liðin inn, nú eru 5 mínútur í að leikurinn hefjist.

Síðasti leikur Breiðabliks var 1 - 4 sigur á Fjölni í Pepsi Max-deildinni á laugardaginn. Óskar Hrafn Þorvaldsson þjálfari liðsins gerir tvær breytingar á liðinu. Damir Muminovic kemur inn fyrir Elfar Freyr Helgason sem er í leikbanni og Andri Rafn Yeoman kemur inn fyrir Kristinn Steindórsson.

Síðasti leikur KR var 4 - 1 sigur á ÍA í Pepsi Max-deildinni 30. ágúst síðastliðinn. Rúnar Kristinsson þjálfari KR gerir eina breytingu á liði sínu. Ægir Jarl Jónasson kemur inn fyrir Pablo Punyed sem tekur út leikbann.

KR er búið að hafa gott tak á Breiðablik undanfarið, þeir hafa unnið síðustu þrjá leiki gegn þeim og Breiðablik vann KR síðast 7. ágúst 2018. Það er nokkuð ljóst að bæði þessi lið ætla sér stóra hluti, KR eru ríkjandi Íslandsmeistarar og Breiðablik hefur lent í 2. sæti síðustu 2 ár.

Bikarsaga þessa félaga er ansi ólík, Breiðablik hefur þrisvar sinnum farið í úrslit og unnið einu sinni. Þeir töpuðu úrslitaleik 1971, unnu svo sinn eina bikartitil árið 2009 og fyrir tveimur árum eða árið 2018 töpuðu þeir í úrslitaleik gegn Stjörnunni í vítaspyrnukeppni í einum leiðinlegasta úrslitaleik sögunar.

KR hefur unnið bikarinn oftast allra liða á Íslandi, 14 sinnum talsins. Þeir hafa þó ekki unnið hann síðan árið 2014, þeir töpuðu síðan úrslitaleik árið eftir og hafa ekki komist í úrslit síðan það ár, 2015. Þeir hafa fimm sinnum tapað í úrslitaleik og því farið í heildina 19 sinnum alla leið í úrslitaleik.

Góða kvöldið og verið velkomin í beina textalýsingu frá stórleik Breiðabliks og KR í 8-liða úrslitum Mjólkurbikar karla. Leikurinn fer fram á Kópavogsvelli og hefst klukkan 19:15.