SKÝRSLAN: Valur heldur toppsætinu
Hvað réði úrslitum?
Þolinmæðissigur hjá Val. Þær hafa oft skapað sér fleiri færi en framlína Vals sýndi það í kvöld að þær þurfa engin dauðafæri til að skora mörk.
Bestu leikmenn
1. Hlín Eiríksdóttir
Hættulegasti maður vallarins. Fór nokrum sinnum illa með varnarmenn Stjörnunnar og var dugleg að finna liðsfélaga sína inn á teignum. Skoraði eitt og lagði upp annað.
2. Gunnhildur Yrsa
Mér finnst alltaf jafn gaman að horfa á Gunnhildi spila. Barátta frá fyrstu mínútu og stjórnaði vel spili Vals frá miðsvæðinu.
Atvikið
Fyrsta markið kom nánast upp úr þurru og setti stórt strik í reikninginn. Gerði það að verkum að Valskonur urðu aldrei óþolinmóðar eða stressaðar þrátt fyrir þéttan varnarleik Stjörnunnar.
Hvað þýða úrslitin?
Úrslitin breyta ekki miklu í stóra samhenginu. Valur er enn á toppnum og Stjarnan um miðja deild. Missa að vísu FH fram úr sér miðað við stöðuna í leik FH-Þróttur þegar þetta er skrifað.
Vondur dagur
Það átti enginn leikmaður arfaslakan dag. Ég hef hinsvegar oft horft á skemmtilegri fótbolta leiki. Það var lítið um góð færi og lítil spenna.
Dómarinn - 7
Þetta sigldi svakalega lygnan sjó og var auðveldur leikur fyrir tríóið. Engar stórar ákvarðanir, engin spjöld og engin umdeild atvik.