SKÝRSLAN: Breiðablik bjargaði stigi á Domusnova
Hvað réði úrslitum?
Breiðablik byrjuðu leikinn betur og komust yfir en síðan tók Leiknir yfir leikinn og skoruðu þrjú góð mörk áður en Breiðablik setti tvö síðasta korterið.
Bestu leikmenn
1. Máni Austmann Hilmarsson (Leiknir R)
Maður leiksins í kvöld. Kom inn í lið Leiknis í kvöld eftir að hafa verið í skóla úti Bandaríkjunum. Skoraði sturlað jöfnunnarmark og átti þátt í vítinu sem Sævar Atli skoraði úr og var virkilega sprækur úti á vinstri væng Leiknis í kvöld.
2. Jason Daði Svanþórsson (Breiðablik)
Var bestur í liði Blika í dag. Skoraði tvö mörk og bjargaði stigi fyrir Breiðablik.
Atvikið
Jöfnunarmarkið hjá Mána Austmann - Fékk boltann skoppandi fyrir utan teig og hamraði boltann í slánna og inn. Góðar fréttir fyrir Leiknismenn að hann sé mættur inn í liðið.
Hvað þýða úrslitin?
Bæði lið fá eitt stig. Leiknismenn sitja í 6.sæti deildarinnar með tvö stig. Blikar sitja í því níunda með eitt stig. Breiðablik mætir Keflavík í næstu umferð og Leiknismenn fara norður og mæta KA á Dalvíkurvelli.
Vondur dagur
Þessi dálkur er erfiður en ég ætla setja Guy Smit markmann Leiknis í hann - Mér fannst hann átt að gera betur í öðru og þriðja marki Blika.
Dómarinn - 7.5
Jóhann Ingi og hans menn leystu vaktina vel í kvöld.