Góðan daginn kæru lesendur og velkomnir í beina textalýsingu frá leik ÍA og Breiðabliks í tólftu umferð Íslandsmótsins.

Þetta er mikilvægur leikur fyrir bæði lið enda mætast hér liðin í fimmta og níunda sæti deildarinnar. Liðin hafa mæst í 58 skipti í opinberum leikjum á vegum KSÍ og hefur ÍA unnið 31 leik, Breiðablik 13 og 9 sinnum hafa leikir endað með jafntefli. Markatalan er einnig ÍA í hag eða 126 mörk gegn 71 mörkum Breiðabliks.

Liðin hafa byrjað Íslandsmótið ágætlega en deildin er afar jöfn og sem dæmi eru aðeins tvö stig á milli fjórða sætis og þess níunda. ÍA er í fimmta sæti deildarinnar með 17 stig eftir fimm sigurleiki, fjóra tapleiki og tvö jafntefli. Breiðablik er aftur á móti með 15 stig í níunda sæti deildarinnar eftir fjóra sigurleiki, fjóra tapleiki og þrjú jafntefli.

Byrjunarliðin eru komin í hús en þau má sjá hér til hliðar.

Dómari leiksins er Guðmundur Ársæll Guðmundsson og honum til aðstoðar eru Áskell Þór Gíslason og Jan Eric Jessen. Eftirlitsmaður KSÍ er Guðmundur Sigurðsson.

Aðstæður til knattspyrnuiðkunar eru ekkert sérstakar á Akranesi í kvöld. Nokkuð stífur vindur er þvert á völlinn og líklegt að það muni hafa nokkur áhrif á gæði leiksins.

Leikurinn er hafinn og Breiðablik byrjar með boltann.

Kristinn Jónsson með aukaspyrnu inn í vítateig ÍA og þar á Þórður Steinar Hreiðarsson góðan skalla sem fer rétt framhjá stönginni.

Það er frekar lítið í gangi í leiknum á Akranesi þessa stundina.

Andri Adolphsson með frábæra rispu upp allan vallarhelming Breiðabliks inn í vítateig þar sem Ingvar Þór Kale ver skot hans vel. Andri á svo sendingu sem fer í hendi varnarmanns og Skagamenn heimta vítaspyrnu. Dómari leiksins lætur leikinn halda áfram.

Jóhannes Karl Guðjónsson með hornspyrnu og Ármann Smári Björnsson á fínan skalla rétt yfir þverslá blikamarksins.

Sindri Snær Magnússon með gott skot að marki ÍA en Árni Snær Ólafsson ver vel í markinu.

Jón Vilhelm Ákason á frábæra fyrirgjöf inn í vítateig Breiðabliks og Andri Adolphsson rétt missir af sendingunni, einn fyrir opnu marki.

Búið er að flauta til leikhlés í tilþrifalitlum fyrri hálfleik og staðan 0-0.

Þess má geta að Ben Eversen, sem Breiðablik fékk nýlega frá Tindastól, er ekki í leikmannahópi þeirra í dag vegna meiðsla. Hann er meiddur á rist eftir að hafa fengið högg í sínum síðasta leik fyrir stólanna.

Seinni hálfleikurinn er að hefjast. Skagamenn hefja leik.

Andri Adolphsson með góða sendingu inn í vítateig Breiðabliks og Jón Vilhelm Ákason nær ágætum skalla sem Ingvar Þór Kale ver af öryggi.

Árni Snær Ólafsson markvörður ÍA tekur aukaspyrnu fram völlinn, þar er Garðar Gunnlaugsson vel staðsettur og nær góðum skalla innfyrir vörn Breiðabliks þar sem Andri Adolphsson á gott hlaup. Skot hans fer rétt framhjá stönginni.

Andri Rafn Yeoman með skalla rétt framhjá marki ÍA eftir hornspyrnu.

Andri Adolphsson með stungusendingu innfyrir vörn Breiðabliks á Theo Furness sem er einn á móti markverði. Ingvar Þór Kale ver frábærlega frá honum í tvígang í bestu sókn leiksins.

Elvar Árni Aðalsteinsson með frábært skot utarlega í vítateignum en Árni Snær Ólafsson ver stórkostlega í horn.

Leikurinn búinn með jafntefli 1-1 á skrautlegum lokamínútum.