Verið velkomin í beina textalýsingu á leik Vals og Fram í 12.umferð Pepsi-deildar karla. Byrjunarlið liðanna eru hér á hægri og vinstri hlið síðunnar. Auk varamanna. Jónas Tór Næs kemur inn í byrjunarlið Vals í stað Úlfars Hrafns. Þetta er fyrsti leikur hans með Valsliðinu á þessu tímabili en hann spilaði með liðinu á síðasta ári við góðan orðstýr.

Kóngurinn á Hlíðarenda, Geir Ólafs. er að fara stíga á stokk og taka nokkur vel valin lög. Áhorfendur eru þó afar fáir eins og staðan er núna.

Það er ágætisveður hér á Vodafone-vellinum. Sólin er einhverstaðar hér rétt hjá og einnig Kári, sem blæs til okkar örlítinn vind, til að gera leikinn vonandi skemmtilegri.

Þessa stundina er Geir Ólafs. og stuðningsmenn Fram og Vals að syngja afmælissöng fyrir Róbert Jónsson, mikinn Valsara sem er sjötugur í dag. Til gamans má geta, þá er Róbert tengdafaðir Magnúsar Gylfasonar þjálfara ÍBV.

Leikurinn er hafinn. Fram sækir að Öskjuhlíðinni.

Sveinbjörn Jónasson og Steven Lennon er báðir upp á topp hjá Fram á meðan Guðjón Pétur Lýðsson er einn upp á topp hjá Val og sóknarmaðurinn, Hörður Sveinsson er á vinstri kantinum.

Ásgeir Gunnar með klaufaleg mistök í vörn Fram, hann steig á boltann við miðjuna og Guðjón Pétur var flautur að þefa upp boltann, keyrði upp völlinn en hann mátti ekki við margnum og fyrirgjöf hans var skölluð frá.

Steven Lennon með stórhættulega hornspyrnu sem fór réttframhjá fjær stönginni, Framarar hafa fengið þrjár hornspyrnur á stuttum tíma.

Steven Lennon átti fínt skot að marki sem Ólafur Þór Gunnarsson þurfti að hafa smá fyrir því að verja. Hann kveinkaði sér eitthvað eftir vörsluna og er Eyjólfur Tómasson farinn að hita upp. Eyjólfur kom til Vals í gær að láni frá Leikni Reykjavík.

Eftir að Framarar hafi byrjað af miklum krafti hafa Valsmenn aðeins verið að færa sig upp á skaftið.

Samuel Hewson með skot við vítateigslínuna, renndi sér að boltanum og úr varð hættuleg tilraun, boltinn í viðkomu varnarmanns og réttframhjá fjærstönginni.

Hewson með skalla í varnarmann og réttframhjá. Horn sem Tillen tekur en Halldór Kristinn hreinsar frá.

Haukur Páll braut á Halldóri Hermanni tíu metrum fyrir framan vítateigin. Steven Lennon tók aukaspyrnuna sem fór beint í varnarvegginn og Gunnar Jarl flautar leiðinlegan fyrri hálfleik af. Markalaust í tíðindalitlum fyrri hálfleik. Valsmenn hafa enn ekki fengið færi í leiknum en Framarar nokkur hálffæri.

Seinni hálfleikurinn er hafinn. Vonum innilega að leikurinn verði fjörugri en sá fyrri. Engar breytingar í hálfleik.

Framarar með aukaspyrnu á miðjum vallarhelmingi Vals, Kristján Hauksson fellur við og bað um vítaspyrnu og vildi meina að Ásgeir Þór Ingólfsson hafi tekið góða bakhrindingu. Gunnar Jarl hristi bara hausinn og Ásgeir Þór vildi fá að sjá gult spjald fyrir leikaraskap.

Rúnar Már með þvílíka aukaspyrnu, skot upp í nær-Samúel en Ögmundur með frábæra vörslu. Hættulegasta marktækifærið í leiknum komið... loksins.

Steven Lennon með góðan einleik, fór framhjá bæði Halldóri Kristni og Matarr Jobe, en skot hans með vinstri slakt og í fætur varnarmanns Vals.

Eftir rólegar 65 mínútur komu tvö mörk með mínútu millibili og rautt spjald. Svona getur fótboltinn verið óreiknanlegur...

Steven Lennon með góðan snúning inn í teig Valsmanna með skot úr þröngufæri sem Ólafur Þór varði í horn.

Ásgeir Gunnar með skalla rétt framhjá. Framarar nær því að bæta við en Valsmenn að jafna.

Leik lokið. Framarar skoruðu mörkin í leiknum, tvö mörk á tveimur mínútum. Sanngjarn útisigur Framara á Hlíðarenda í kvöld.