SKÝRSLAN: Stjarnan fyrst til að leggja meistarana
Hvað réði úrslitum?
Innkoma Stjörnunnar í seinni hálfleik var mjög öflug. Valsmenn áttu fyrstu sókn hálfleiksins en svo tók Stjarnan yfir og sýndi að það býr hellingur í þessu liði
Bestu leikmenn
1. Tristan Freyr Ingólfsson (Stjarnan)
Tvö unninn návígi og tvær stoðsendingar strax í kjölfarið á fyrstu mínútum seinni hálfleiks. Var nálægt þriðju stoðsendingunni og átti tilraun rétt framhjá líka, alvöru löpp!
2. Haraldur Björnsson (Stjarnan)
Varði nokkrum sinnum vel og greip inn í á mikilvægum augnablikum. Virkilega flott frammistaða.
Atvikið
Sigurmark Stjörnunnar: Tristan vann boltann af Kaj Leo sem var enn inn á vellinum en var búinn að biðja um skiptingu. Tristan var ákveðnari í návíginu og sendi svo boltann inn á teiginn og þar mætti Heiðar Ægisson af hægri kantinum og skoraði.
Hvað þýða úrslitin?
Fyrsta tap Vals og meistararnir missa toppsætið. Fyrsti sigur Stjörnunnar og liðið tvöfaldar stigafjölda sinn.
Vondur dagur
Patrick Pedersen fékk þrjú góð færi og tvö þeirra voru sérstaklega góð en hann hitti ekki markið í þeim.
Dómarinn - 7
Pétur átti fínan dag, kannski full spjaldaglaður þar sem leikurinn var ekki mjög grófur. Ég er ósammála því að spjalda Kristin Frey fyrir 'dýfu' en ég er ekki dómari.