SKÝRSLAN: Jónsmessuhátíð í Keflavík eftir framlengingu
Hvað réði úrslitum?
Sigurvilji heimamanna var einfaldlega bara meiri í dag. Nýttu alla sína orku og eru eflaust vel sárfættir eftir langan leik en með vinnusemi og baráttu tryggðu þeir sér sæti í 16 liða úrslitum. Blikar voru aftur á móti ekki upp á sitt besta fyrir framan markið þrátt fyrir tækifæri til.
Bestu leikmenn
1. Sindri Kristinn Ólafsson
Markvörðurinn átti skínandi leik í kvöld, Átti teiginn og kýldi örugglega 15-20 af 25 hornspyrnum gestanna frá marki sínu, Varði þar að auki nokkrum sinnum gríðarlega vel og átti góðann leik.
2. Helgi Þór Jónsson
Ætla að vera sammála Sigurði Ragnari Eyjólfssyni um að það væri gaman að sjá hlaupatölurnar hans Helga úr leiknum. Barðist eins og ljón á miðjunni allann leikinn og labbar sárfættur en sáttur af velli með mark og bikarsigur í farteskinu.
Atvikið
Fyrra mark leiksins, Pressa Keflavíkur ber árangur þegar Kian Williams kemst inn á teiginn og leggur boltann fyrir Helga sem mætir í hlaupið og klárar í netið. Fagnar að sjálfsögðu gríðarlega og rífur sig úr treyjunni enda augnablikið dýrmætt.
Hvað þýða úrslitin?
Keflavík fer áfram í 16 liða úrslit en Breiðablik ekki svo einfalt er það.
Vondur dagur
Höskuldur Gunnlaugsson. Átti ekki slæman leik en fúlt fyrir fyrirliðann að reyna mikið í 120 mínútur en fá ekkert út úr því.
Dómarinn - 8
Solid 7 hjá Jóhanni, hafði fín tök á leiknum og dæmdi heilt yfir bara virkilega vel að mínu mati. Dómari með framtíðina fyrir sér.