ÞETTA ER ÓTRÚLEGT. GEGGJUÐUM KNATTSPYRNULEIK LOKIÐ HÉR Á KÓPAVOGSVELLI. BREIÐABLIK SIGRAR 4-3 OG ER Á LEIÐ Í ÚRSLITALEIK MJÓLKURBIKARSINS

Tveimur mínútum bætt við hér. Fáum við jöfnunarmark og framlengingu eða ná Blikar að halda út?

Dauðafæri hjá Völsurum. Mary Alice reynir hér sendingu/skot fyrir sem fer rétt framhjá. Ef einhver hefði staðið á fjær hefði verið auðvelt að pota boltanum inn

Karítas átti hér skot rétt framhjá markinu eftir flotta sókn Blika. Þarna munaði litlu

Blikar sjá ekki til sólar þessa stundina, Valur miklu hættulegri fram á við og grimmari úti á velli.

Flott spil hjá Val sem endar með skoti frá Mary Alice en Telma ver vel í horn

Góð sending hjá Blikum inn fyrir vörn Vals en Sandra gerir vel og kemur út og handsamar knöttinn áður en Tiffany nær til hans

Málfríður Anna átti hér ágætis tilraun en skot hennar fór rétt framhjá markinu

Seinni hálfleikur farinn af stað. Nú sækja Blikar í átt að Fífunni.

Breiðablik leiðir hér í hálfleik með einu marki. Mér finnst Valur hafa verið ívið sterkara liðið í leiknum, sérstaklega fyrri hluta hálfleiksins en fótbolti snýst um að skora mörk og það gerði Agla á 21. mínútu og það skilur á milli liðanna. Það verður spennandi að sjá hvað þær ætla að bjóða okkur upp á í seinni hálfleik.

Tveimur mínútum bætt við fyrri hálfleikinn

Valur í sókn og boltinn berst til Láru sem reynir skot sem fer rétt framhjá markinu. Það leit ekki út fyrir að vera hættulegt til að byrja með en skotið var lúmskt.

Áslaug á frábæran sprett upp hægri kantinn og ráða Valsstelpur ekkert við hana. Hún tekur loks skotið þegar hún kemst inn í teig en Sandra á ekki í vandræðum með það og grípur boltann.

Agla á gott skot á mark sem Sandra ver út í teig, þá tekur við smá basl að hreinsa sem Valur gerir að lokum

Nú reynir Lára Kristín skot á miðjum velli, vel fyrir utan teig en það er máttlaust og auðvelt fyrir Telmu í markinu.

Mary Alice reynir hér skot frá vinstri vængnum eftir sókn Vals en þar fer framhjá markinu

Það er rólegt yfir leiknum þessa stundina.

Leikurinn er stopp eins og er á meðan Telma liggur niðri eftir samstuð. Vonandi er í lagi með hana.
Jú, hún stendur upp og ætlar að halda leik áfram

Blikar voru að skora annað mark en það var dæmt af vegna rangstöðu. Mjög svipað upplegg og áðan, sending frá hægri inn fyrir og nú var það Tiffany sem potaði boltanum inn en hún var rangstæð

Hafrún Rakel reynir hér skot vel fyrir utan vítateig en skotið endar rétt framhjá. Ágætis tilraun

Valur fær hornspyrnu. Dóra María tekur.
Blikar hreinsa en boltinn berst á Sólveigu Larsen sem reynir skot en það fer yfir markið

DAUÐAFÆRI HJÁ BLIKUM

Agla átti frábæra sendingu inn fyrir vörnina á Karitas sem hitti boltann vel en Sandra örugg sem fyrr í markinu og varði vel.

Mér finnst Blikar vera á hælunum hér í byrjun leiks á meðan Valsstelpur eru mjög grimmar og láta finna fyrir sér

Valur fær aukaspyrnu á fínum stað hægra megin fyrir utan teig. Dóra María tekur spyrnuna sem fer inn í teig en Blikar hreinsa. Cyera Makenzie stelur boltanum strax af þeim og tekur skot en Telma handsamar knöttinn.

Fyrsta skot leiksins!

Valur verið meira með boltann og héldu boltanum inn í teig Blika, boltinn berst svo á Láru Kristínu sem tekur skotið en Telma slær boltanum yfir markið. Hornspyrna.

Þetta er farið af stað! Valur byrjaði með boltann og sækir í átt að Fífunni.

Liðið sem vinnur mætir Þrótti Reykjavík í úrslitum Mjólkurbikarsins

Fjórir leikmenn Blika eru heiðraðir fyrir leik.

Heiðdís Lillýardóttir, Agla María Albertsdóttir og Hildur Antonsdóttir náðu nýlega að spila 100 leiki fyrir félagið.
Þá fékk Sonný blómvönd fyrir að ná 200 leikjum fyrir félagið en hún lagði hanskana á hilluna eftir síðasta tímabil.
Frábær árangur hjá þeim öllum!

Það styttist í stórleikinn! Liðinn eru nú að ganga út á völlinn.

Byrjunarliðin eru komin inn og hægt er að sjá þau hér til hliðar.

Elín Metta fékk rautt spjald í síðasta leik og er því í leikbanni. Ásdís Karen fékk gult spjald í síðasta leik sem var hennað annað spjald í Mjólkurbikarnum og hún er því líka í leikbanni í kvöld.

Liðin eru að sjálfsögðu í toppsætunum í deildinni. Valur er í 1. sæti með 23 stig en Breiðablik í 2. sæti með 21 stig. Bæði liðin hafa hikstað aðeins í byrjun móts.

Blikar unnu báða leikina gegn Val í Pepsi-Max deild kvenna á síðasta tímabili og fyrri leikinn í ár. Er kominn tími á Valssigur?

Hér má sjá mynd úr síðasta leik þar sem þessi lið mættust í deildinni. Það var hreint ótrúlegur leikur þar sem Breiðablik sigraði 3-7 eftir að hafa komist 1-7 yfir á tímabili. Ég trúi því að þetta verði aðeins jafnara í kvöld enda mikið undir.

Liðið sem vinnur leikinn fer að sjálfsögðu í úrslitaleik Mjólkurbikarsins sem fer fram 1. október á Laugardalsvelli.

Í hinum undanúrslitaleiknum mætast Þróttur og FH. Sá leikur hefst klukkan 18:00

Við skulum fara í gegnum leið liðanna í undanúrslit Mjólkurbikarsins.

Breiðablik:
-Sigraði Tindastól 2-1 í 16-liða úrslitum.
-Sigraði Aftureldingu 5-0 í 8-liða úrslitum.

Valur:
-Sigraði Völsung 0-7 í 16-liða úrslitum.
-Sigraði ÍBV 0-1 í 8-liða úrslitum.

Góða kvöldið kæru lesendur og verið hjartanlega velkomin í beina textalýsingu frá stórleiknum í undanúrslitum Mjólkurbikars kvenna. Í kvöld mætast Breiðablik og Valur á Kópavogsvelli og hefst leikurinn á slaginu 20:15. Sannkölluð veisla!