SKÝRSLAN: Stjarnan framdi rán í Keflavík
Hvað réði úrslitum?
Það er erfitt að skilja hvernig Keflavík fékk ekkert út úr þessum leik. Keflavík var meira með boltann yfir allan leikinn og áttu töluvert meira af hættulegri færum en náður ekki að koma knettinum yfir marklínu andstæðinganna. Heimakonur gleymdu sér í skamma stund undir lok leiks sem var nóg fyrir gestina til að skora sigurmarkið og sækja stigin þrjú.
Bestu leikmenn
1. Arna Dís Arnþórsdóttir
Ásamt því að skora sigurmarkið þegar fimm mínútur voru í leikslok náði Arna einnig að bjarga á marklínu örfáum mínútum síðar.
2. Naya Regina Lipkens
Naya átti nokkrar fínar markvörslur í leiknum sem hjálpaði mikið þegar uppi var staðið.
Atvikið
Mark Örnu Dísar á 86. mínútu. Þegar allt leit út fyrir að Keflavík væri að fara að skora sigurmark leiksins þá ná Stjörnukonur að þruma boltanum fram völlinn. Boltinn dettur fyrir Ingibjörgu sem kemur honum áfram á Úlfu sem á þrumuskot sem að Tiffany í marki Keflavíkur nær ekki að halda og knötturinn berst út til Örnu sem skorar á nærstöng.
Hvað þýða úrslitin?
Keflavík er komið í fallsvæðið eftir þetta tap í kvöld en Keflavík og Fylkir eru jöfn stigum á botni deildarinnar. Stjarnan nær hins vegar að klifra upp töfluna og alla leið upp í fjórða sætið með þessum sigri í Reykjanesbæ.
Vondur dagur
Tiffany Sornpao, markvörður Keflavíkur, var lengi að koma sér upp og aftur í stöðu eftir að hafa varið skot Úlfu undir lok leiks sem reyndist dýrkeypt. Stjörnukonur hafa annars almennt átt betri daga. Þeim gekk illa að halda í boltann á miðsvæðinu og Keflavík náði á stórum köflum leiksins að spila beint í gegnum þær.
Dómarinn - 9
Lögfræðingurinn á flautunni átti fínasta leik í kvöld