SKÝRSLAN: Fjölnismenn ekki í vandræðum með vængbrotið lið Þróttar
Hvað réði úrslitum?
Fyrstu 30. mínúturnar voru jafnar og bæði lið fengu færi en eftir fyrsta mark Fjölnis var þetta aldrei spurning. Annað mark Fjölnis kom rétt fyrir hálfleik og Þróttarar misstu þá trúnna og Fjölnismenn keyrðu yfir vængbrotið lið Þróttar sem náðu þó að klóra í bakkan með vítaspyrnumarki á 93 mínútu og var það bara alltof seint.
Bestu leikmenn
1. Michael Bakare (Fjölnir)
Bakare var besti maður vallarins í dag í sínum fyrsta heimaleik fyrir Fjölnismenn. Var duglegur að koma sér í færi og skapaði færi og svæði fyrir liðsfélaga sína.Skoraði annað mark Fjölnis og lagði upp það þriðja.
2. Orri Þórhallsson (Fjölnir)
Orri var góður á miðjunni hjá Fjölnismönnum í dag bæði sóknarlega og varnarlega. Dreyfði spili liðsins vel í kvöld.
Atvikið
Flautumarkið í fyrrihálfleik - Bakre fékk boltann inn fyrir vörn Þróttar og slapp aleinn í gegn á móti Sveini í marki Þróttar og gerði allt rétt og setti boltann í nærhornið og við það mark misstu Þróttarar trúnna á að koma til baka.
Hvað þýða úrslitin?
Fjölnismenn koma sér aftur í baráttuna um sæti ´í næst efstu deild en stendur eftir leik kvöldsins í fimmta sæti deildarinnar með 20 stig. Þróttarar sitja enþá í fallsæti en liðið er aðeins með sjö stig.
Vondur dagur
Róbert Hauksson - Gékk ekki mikið upp hjá Róberti í kvöld og fékk hann meðal annars tvö dauðafæri í stöðunni 0-0 en náði ekki að nýta þau.
Dómarinn - 6
Einar Ingi var ágætur í dag þrátt fyrir að hafa farið í taugarnar á báðum liðum í kvöld. Einhverjir dómar út á velli sem hann hefði mátt gera betur en þó engir stórir dómar.