SKÝRSLAN: Brenna brenndi af víti í sigri Breiðabliks
Hvað réði úrslitum?
Þegar stórt er spurt. Þetta var ótrúlegur kafli í leiknum þar sem öll þrjú mörk leiksins komu á stuttum tíma. Ætli einstaklingsgæði í liði Breiðabliks hafi ekki hjálpað til en það er klisja sem oft er hægt að nota. Það var algjör óþarfi hjá Selfossi að tapa þessum leik en það er ekki spurt af því.
Bestu leikmenn
1. Karitas Tómasdóttir
Virkilega öflug í dag. Átti þátt í því að brjóta ísinn í dag þegar brotið var á henni innan teigs í aðdraganda fyrsta mark Breiðabliks.
2. Telma Ívarsdóttir
Fyrir það að hafa varið víti í fyrri hálfleik færir henni þann titil var að næst besti leikmaður leiksins. Varði víti frá Brenna Lovera í fyrri hálfleik sem hafði mikil áhrif á leikinn. Gerði mistök í aðdraganda vítisins en bjargaði sér fyrir horn.
Atvikið
Bæði lið fengu víti í leiknum. Breiðablik nýtti sitt á meðan Selfoss gerði það ekki. Þegar upp er staðið, skipti það gríðarlega miklu máli í leiknum.
Hvað þýða úrslitin?
Breiðablik skilur Selfoss nú níu stigum á eftir sér þegar einungis sex leikir eru eftir af deildinni. Breiðablik heldur áfram að elta Val sem er á toppi deildarinnar með tveggja stiga forskot.
Vondur dagur
Brenna Lovera átti alls ekki sinn besta leik í dag. Ekki bara að brenna af víti í fyrri hálfleik þá voru móttökur hennar í leiknum oft á tíðum slakar og hún komst í lítinn takt við leikinn.
Dómarinn - 6
Allt í lagi, ekkert spes. Erfiðleikastigið ekki hátt en fékk þó kvartanir frá báðum liðum oft á tíðum í leiknum. Báðir vítaspyrnudómarnir voru virkilega soft.