SKÝRSLAN: Úlfa Dís skaut Stjörnunni upp í þriðja sætið
Hvað réði úrslitum?
Stjarnan var einfaldlega betra liðið í dag. Leikurinn fór að mestu leyti fram á vallarhelmingi Selfoss og leikmenn Selfoss sköpuðu sér fá færi.
Bestu leikmenn
1. Úlfa Dís Kreye Úlfarsdóttir
Úlfa Dís var feykilega öflug í dag, það sást minna til hennar í fyrri hálfleik en eftir að Kristján færði hana ofar á völlinn í seinni hálfleik var hún óstöðvandi, skoraði bæði mörk Stjörnunar og ógnaði marki Selfoss mikið.
2. Ingibjörg Lúcía Ragnarsdóttir
Ingibjörg átti mjög góðan leik á miðjunni í dag. Var hrikalega dugleg og vann marga bolta. Hún átti stóran þátt í fyrra marki Stjörnunar þegar hún vinnur boltann á miðjunni og á stoðsendinguna á Úlfu í seinna markinu.
Atvikið
Fyrra mark Stjörnunar á 53. mínútu. Benedicta í marki Selfoss sendir á Unni Dóru og Ingibjörg Lúcía kemur á mikilli siglingu á móti boltanum og brýtur á Unni Dóru en Helgi dæmir ekkert og í kjölfarið skorar Stjarnan.
Hvað þýða úrslitin?
Stjarnan kemur sér fyrir í 3. sæti deildarinnar og eru með 19. stig. Selfoss fer aftur á móti niður í 5. sætið og eru með 18. stig en eftir góða byrjun hafa þær ekki náð í sigur í síðustu þremur leikjum. Í næstu umferð mætir Stjarnan Þór/KA og Selfoss tekur á móti Þrótti.
Vondur dagur
Selfoss liðið í heild átti ekki góðan dag en það fór sérstaklega lítið fyrir sóknarmönnum liðsins. Þegar Selfoss sótti komu þær sér ekki í góð færi og lutu yfirleitt í lægra haldi fyrir varnarmönnum Stjörnunar.
Dómarinn - 5
Heilt yfir ágætur leikur hjá Helga en Ingibjörg brýtur klárlega á Unni Dóru þegar hún vinnur boltann og Stjarnan skorar síðan jöfnunarmark.