SKÝRSLAN: Tvö dýrmæt stig í súginn hjá Breiðablik í kvöld
Hvað réði úrslitum?
Þór/KA áttu gríðarlega góðan leik í síðari hálfleik. Breiðablik var farið að reyna tefja undir lokin, náðu að hanga á boltanum í einhverjar tvær rúmar mínútur í uppbótartíma, þær fengu það svo sannarlega í bakið.
Bestu leikmenn
1. Arna Sif Ásgrímsdóttir
Hún getur brugðið sér í allra kvikinda líki. Stórkostleg. Hún var orðin fremst undir lok leiksins og var hættuleg þar, tryggði Þór/KA stigið síðan á lokasekúndunum.
2. Colleen Kennedy
Kom Þór/KA á blað í leiknum og átti mjög fína spretti.
Atvikið
Það er augljóslega bara síðasta markið í leiknum, flautumark, gríðarlega vont fyrir Blika í toppbaráttunni að fá bara eitt stig hér í kvöld.
Hvað þýða úrslitin?
Vond úrslit fyrir Breiðablik í toppbaráttunni, einu stigi á eftir Val og Valur á leik til góða gegn Fylki á útivelli á föstudaginn. Frábært fyrir Þór/KA að ná stigi gegn Breiðablik. Þær eru í 7. sæti 5 stigum frá fallsæti. Þær eiga Stjörnuna næst úti á föstudaginn eftir viku. Stjarnan situr núna í 3. sæti.
Vondur dagur
Blikar mættu ekki til leiks í síðari hálfleik. Vilhjálmur sagði í viðtali eftir leik það klassíska að þriðja markið hefði klárað leikinn, þær voru ekki mjög líklegar til að ná í það.
Dómarinn - 7
Hann dæmdi ekki neitt nema vitlaus innköst hér í dag. Ekki grófur leikur, ekkert vesen. Ein rangstaða dæmd á Þór/KA sem var eitthvað á mörkunum.