SKÝRSLAN: Ótrúleg endurkoma er Reynir Haralds sökkti Fjölni á fimm mínútum.
Hvað réði úrslitum?
Reynir Haraldsson réði úrslitum. Kom ÍR inn í leikinn með góðu marki og fyrst hann var á annað borð byrjaður hélt hann bara áfram og bætti við tveimur mörkum á næstu 5 mínútum sem fylgdu. Sturlaður kafli hjá honum sem gerði útslagið í dag.
Bestu leikmenn
1. Reynir Haraldsson
Sjaldan verið auðveldara. Reynir nýtti mómentið og kraftinn sem þvi fylgdi með eindæmum vel og skaut sínum mönnum í 8.liða úrslit.
2. Reynir Haraldsson
Halló! Þrenna á 5 mínútum þegar liðið hans er 2-0 undir. Þó ég þyrfti að tilnefna 10 leikmenn væri það bara Reynir Haraldsson sem kæmi til greina.
Atvikið
Mögulega hefur það ekki komið fram hér áður en á fimm mínútna kafla í síðari hálfleik skoraði Reynir Haraldsson þrennu. ÍRingar bilast af fögnuði á meðan að leikmenn og allir sem að Fjölnisliðinu standa vita ekki sitt rjúkandi ráð.
Hvað þýða úrslitin?
Þau þýða það að ÍR er í pottinum fyrir 8 liða úrslit á meðan Fjölnir er það ekki.
Vondur dagur
Ásmundur Arnarsson hin geðþekki þjálfari Fjölnis klórar sér eflaust fast í hausnum og veltir fyrir sér hvað gekk á í síðari hálfleik. Fjölnismenn skildu allt sitt eftir inn í klefa í hálfleik og var refsað grimmilega fyrir það.
Dómarinn - 7
Arnar Ingi og Bryngeir komust vel frá sínu. Spöruðu mögulega spjöldin fulloft en dæmdu leikinn heilt yfir vel.