SKÝRSLAN: Skagamenn í 8-liða úrslit
Hvað réði úrslitum?
Það var bara eina mark leiksins sem réði úrslitum. Mörkin hefðu hæglega getað orðið fleiri en það var bara eitt færi sem nýttist.
Bestu leikmenn
1. Árni Marinó Einarsson(ÍA)
Ungur og efnilegur markmaður sem var gjörsamlega frábær í þessum leik. Bjargaði Skagamönnum í lok leiksins
2. Ísak Snær Þorvaldsson(ÍA)
Var frábær á miðjunni hjá ÍA í dag og skoraði auðvitað sigurmarkið í leiknum.
Atvikið
Rauða spjaldið á Jónatan. Virtist slá Hlyn í punginn í stöðubaráttu í teignum og beint rautt.
Hvað þýða úrslitin?
Þetta er ekki flókið. Skagamenn eru komnir í 8-liða úrslit en FH-ingar eru úr leik.
Vondur dagur
Klárlega Jónatan. Átti ekkert sérstakan leik og kórónaði frammistöðuna svo með heimskulegu rauðu spjaldi.
Dómarinn - 8
Virkilega vel dæmdur leikur að öllu leyti.