SKÝRSLAN: Fram taplausir í gegnum deildina!
Hvað réði úrslitum?
Krafturinn og viljinn var Fram meginn í dag. Þeir fengu mark á sig snemma en jafna strax í næstu sókn. Eftir það var þetta aldrei spurning. Lítill neisti í liði Aftureldingar og Framarar nýttu sér það til hins ítrasta.
Bestu leikmenn
1. Alexander Már
Fjögur mörk og heilt yfir frábær frammistaða. Var mjög líflegur í leiknum og hefði geta skorað fleiri!
2. Haraldur Einar
Vinstri bakvörðurinn var flottur í dag. Duglegur að keyra upp sóknarlega og dældi boltum fyrir markið. Hlynur fyrirliði fær líka hrós hér. Hann var öflugur í vörninni og skoraði gott mark!
Atvikið
Jöfnunarmarkið kom Fram á bragðið. Aldrei spurning eftir það. Þesi kraftur er lýsandi fyrir sumarið þeirra. Sama hvað kemur upp á - Þeir hætta aldrei!
Hvað þýða úrslitin?
Fram fara taplausir í gegnum deildina og eru verðugir meistarar í Lengjudeild karla árið 2021! Spennandi að sjá hvað þetta lið gerir í Pepsi Max! Afturelding endar tímabilið á slæmum nótum eftir annars ágætis sumar.
Vondur dagur
Varnarleikur Aftureldingar hefur ekki verið upp á marga fiska í síðustu leikjum. Þeir verða einfaldlega að gíra sig betur upp í leikina og vera tilbúnir að fórna sér fyrir félagið. Fínir sóknarlega á köflum en varnarleikurinn vægast sagt slakur.
Dómarinn - 8
Elías Ingi var með fína stjórn á þessum leik.