SKÝRSLAN: Helvítis Celton Biai
Hvað réði úrslitum?
Það var bara einfaldlega þannig að Portúgalir náðu að nýta einn af mörgum sínum sénsum en Ísland ekki og það var með hreinum ólíkindum hvernig íslenska liðið skoraði ekki í dag.
Bestu leikmenn
1. Celton Biai
Guð minn almáttugur, á mínum 21 árum hef ég aldrei séð aðra eins frammistöðu frá markverði. Varði eins og óður maður og þetta var líka allt mjög vel varið, ef einhver annar hefði verið í marki hefðum við skorað allavega 2-3 mörk... ef ekki 4
2. Jökull Andrésson
Sömuleiðis gjörsamlega frábær í markinu og sá einnig til þess það var lítið skorað, gerði sig oft á tíðum mjög stóran í markinu og lokaði frábærlega á skot Portúgala, geggjaður
Atvikið
Á 95 mínútu þegar að Valgeir Lunddal skorar mark en Jenkins dómari dæmir brot á Valgeir, ég fékk ekki að sjá þetta í endursýningu en spurning hvort dómari leiksins hafði rétt fyrir sér...
Hvað þýða úrslitin?
Portugal eru á toppi riðilsins með 9 stig af 9 mögulegum en Ísland situr í 4 sæti með 4 stig..
Vondur dagur
Virkilega flott frammistaða hjá íslenska liðinu í dag en það vantaði klárlega upp á færanýtinguna, Sævar Atli klúðrar nokkrum færum og Kristall Máni líka og fleiri. Finnur Tómas gerir sig sekan um klaufaleg mistök í eina marki leiksins..
Dómarinn - 7
Jenkins dómari og teymið hans frá Wales bara nokkuð flottir í dag, flæðið í leiknum var frábært og hann var ekki mikið að flauta en stundum reyndi hann að láta leikinn fljóta of vel og ekki flauta á augljós brot en heilt yfir flottur leikur