Leik lokið í Tyrklandi. 1 - 5 sigur Suður Kóreu staðreynd.

Suður Kórea fær hér sína 3 hornspyrnu á stuttum tíma, þetta er að fjara út í Belek í Tyrklandi.

Viðar Ari kemur boltaum á Jón Daða sem vinnur hornspyrnu fyrir Ísland. Jón Daði nálægt því að skora eftir hornið, vandraðagangur inn á teig Kóreumanna og boltinn endar fyrir fætur Jón Daða sem nær skoti en boltinn af varnamanni og í aðra hornspyrnu.

Lítið eftir af leiknum í Belek í Tyrklandi. Kóreumenn hafa takið aftur yfir leikinn eftir flotta byrjun á síðari hálfleik hjá Íslandi.

Kórea tekur hornspyrnu og boltinn beint á Yeongjae Lee sem tekur boltann í fyrsta og boltinn í slánna og niður. Þarna vorum við heppnir.

Kóreumenn keyra upp hægri vænginn og reyna fyrirgjöf en Ísak Óli kemur boltaum í hornspyrnu.

Betra hjá okkar mönnum! Við erum að ná að halda boltanum betur en í fyrri hálfleik. Kristall Máni komið sterkur inn og kom sér strax í hálffæri eftir fyrirgjöf frá Viktori Karl.

Suður Kórea gerði sömuleiðis þrefalda skiptingu í hálfleik og set ég þær inn þegar ég fæ upplýsingar um þær.

Síðari hálfleikurinn er hafinn. Arnar Þór Viðarsson gerir þrefalda skiptingu.

Kóreumenn fara með góða stöðu inn í hálfleik. Vonandi getum við endurskipulagt okkur og komið sterkari inn í síðari hálfleikinn.

Ekki ætlar Arnar að bíða með að gera skiptingu ? Það veit enginn hvað hann á að gera þarna inná, skiptingu strax og þá kannski töpum við ekki 7-0 #fotboltinet

— dóri Sævarsson (@halldoringi) January 15, 2022

Það er eins og þetta þriðja mark Kóreu hafi drepið leikinn en það er lítið er að frétta inn á vellinum þessa stundina.

Hákon Rafn ver vítið frá Changhoon Kwon!!

Kórea fær víti. Guesung Cho fær boltann inn fyrir og Ari Leifsson dæmdur brotlegur, rosalega klaufalegt brot hjá Ara.

Suður Kóresa nálægt því að bæta við öðru marki en Hákon Rafn með tvær góðar vörslur í röð.

Lítið að frétta sóknarlega hjá Suður Kóreu þrátt fyrir að halda mun meira í boltann. Ísland er að loka vel.

Sveinn Aron gerir vel og hristir 2 Kóreu leikmenn af sér og finnur Davíð Kristján sem framlengir boltanum út til vinstri á Gísla og Ísland vinnur horn.

Suður-Kórea er meira með boltann eins og við mátti búast og stýra þessum leik á fyrstu 6 mínútunum en Ísland er að gera vel í varnarfærslum sínum.

Góð sókn hjá okkar mönnum!! Arnór Ingvi fær boltann á miðjum vallarhelmingi Kóreu og finnur Svein Aron í gegn en Sveinn vel fyrir innan.

Ali Palabiyik flautar til leiks í Belek. Við byrjum með boltann!

Leikmenn liðana ganga inn á völlinn og byrjað er að hlýða á Íslenska þjóðsönginn. Ísland leikur alhvítt hér í dag. Veðrið í Antalya er frábært 18 gráðu hiti og heiðskírt.

Það er tómlegt á Mardan vellinum, þessum 8 þúsund sæta æfingavelli í Antalya þar sem leikur dagsins fer fram.

Jæja núna styttist í upphafsflaut tyrkneska dómarans Ali Palabiyik. Byrjunarliðin eru klár og má sjá þau hér til hliðana. Leikurinn hefst klukkan 11:00 og verður í beinni útsendingu á Stöð 2 Sport og það verður Guðmundur Benediktsson sem lýsir leiknum.

Damir einn af fjórum núverandi leikmönnum Breiðabliks í byrjunarliðinu Arnar Þór Viðarsson hefur opinberað byrjunarliðið. Átta breytingar eru gerðar á byrjunarliðinu frá því í leiknum gegn Úganda. Damir Muminovic er í vörninni en þessi 31 árs leikmaður Breiðabliks er að spila sinn fyrsta landsleik. Hann er einn af fjórum núverandi leikmönnum Blika sem byrja leikinn en Viktor Karl Einarsson, Gísli Eyjólfsson og Höskuldur Gunnlaugsson eru allir í byrjunarliðinu. Hákon Rafn Valdimarsson er í markinu og Arnór Ingvi Traustason er áfram með fyrirliðabandið. Jón Daði Böðvarsson, sem skoraði gegn Úganda, byrjar á bekknum.

Eiga von á allt öðrum leik "Við eig­um von á allt öðrum leik. Það vant­ar 4-5 sem eru oft­ast í byrjunarliðinu hjá þeim. Það vant­ar miðjumennina þeirra og Son (leikmann Tottenham). Að öðru leyti er þetta sterk­ur hóp­ur hjá þeim sem hef­ur spilað lengi sam­an," sagði Arnar Þór Viðarsson landsliðsþjálfari á fréttamannafundi í gær. "Þjálf­ar­inn tók við fyr­ir nokkrum og þeir hafa breytt sín­um leikstíl. Þeir eru ekki bara skynd­isókn­arlið leng­ur, held­ur halda bolt­an­um bet­ur innan liðsins. Við eig­um ekki von á því að stjórna leikn­um á morg­un eins og á móti Úganda og að því leyti verður þetta öðruvísi," sagði Arnar. Fékk mörg svör gegn Úganda Ertu að sjá á æfingum og í þessum leik gegn Úganda einhverja menn sem eru klárir í alvöruna, að spila keppnisleik fyrir Ísland? "Eins og ég talaði um fyrr í vikunni þá eru það þessi svör sem ég vil fá frá leikmönnunum, hverjir koma inn og sýna okkur að þeir séu klárir. Það voru mörg svör sem komu á móti Úganda en svo snýst þetta líka um að kynnast þeim leikmönnum sem ég hef aldrei unnið með áður." "Það er mjög jákvætt að sjá karakterinn hjá leikmönnum og hvernig þeir fúnkera í hóp. Það er erfitt að segja til um það núna akkúrat hverjir verða strax með aftur í mars. Það fer eftir því hvaða leikmenn eru klárir í slaginn í mars." "Stærsta verkefnið fyrir okkur var líka að tengja þetta við þá leikmenn sem eru ennþá gjaldgengir í U21 árs landsliðið til þess að sjá hvort þeir séu klárir í skrefið upp á við. Það er mikill munur á því að spila fyrir U21 og A-landsliðið. Öftustu sex á móti Úganda, varnarlínan, djúpi miðjumaðurinn og markvörðurinn - þar erum við með leikmenn sem eru á U21 aldri. Ég var mjög ánægður með þau svör sem ég fékk frá þessum leikmönnum." Suður-Kórea mun líklega stjórna leiknum Hverja verða áherslurnar? "Áhersl­urn­ar verða öðru­vísi en á móti Úganda. Við vilj­um loka á þessi litlu mis­tök og í dag fór­um við yfir varnarfærslur, hvenær og hvar viljum við setja pressu á andstæðinginn. Suður-Kórea spil­ar 4-3-3 sem er spegilmyndin á okk­ar kerfi oft á tíðum. Það er gott að fá leik á móti mjög góðu liði og liði sem spil­ar hraðan fót­bolta til að æfa þessa varnarfærslu." Mjög jákvætt hvernig eldri leikmenn hafa miðlað til þeirra yngri Eldri og reynslumeiri leikmennirnir, eins og Arnór Ingvi, Jón Daði, Ingvar og Damir - ertu búinn að vera ánægður með þá í kringum yngri leikmennina? "Já, það er búið að vera mjög jákvætt. Þrátt fyr­ir að Ingvar sé mjög svekkt­ur með að hafa meiðst þá hef­ur hann verið mjög jákvæður í kring­um yngri markverðina. Þá hef­ur Damir verið mjög já­kvæður og mik­ill leiðtogi. Ég er að kynn­ast þeim í fyrsta skipti og þeir hafa litið vel út. Damir hefur strax stigið inn og tekið sína stöðu í hópnum. Þetta eru allt leikmenn sem hafa verið mjög jákvæðir gagnvart yngri leikmönnum. Þó að þeir ungu séu efnilegir þá verða þeir líka að stíga upp og læra hratt, við höfum ekki endalausan tíma til þess að læra. Við þurfum að læra hratt af þeim mistökum sem við gerum."

Markvörðurinn Ingvar Jónsson verður ekki með í leiknum í dag. Ingvar, sem varð Íslands- og bikarmeistari með Víkingi síðasta sumar, þurfti að stíga út af æfingu í gær vegna meiðsla. "Það er því miður ómögulegt fyrir hann að spila," sagði Arnar Þór Viðarsson landsliðsþjálfari á fréttamannafundi í morgun. "Ingvar er mjög svekktur að upp hafi komið smávægileg meiðsli. Það kom upp hnjask hjá einhverjum leikmönnum gegn Úganda en fyrir utan Ingvar eru allir klárir." Jökull Andrésson og Hákon Rafn Valdimarsson skiptu með sér hálfleikjum í 1-1 jafnteflinu gegn Úganda á miðvikudaginn.

Heil og sæl, verið velkomin með okkur í beina textalýsingu frá vináttulandsleik Íslands og Suður-Kóreu. Þetta er annar leikur Íslands í þessari æfingaferð í Tyrklandi. Ísland gerði 1-1 jafntefli við Úganda, en leikið var í Belek í Tyrklandi. Ísland byrjaði leikinn vel og tók forystuna eftir aðeins sex mínútna leik. Viðar Ari Jónsson átti þá flotta fyrirgjöf sem Jón Daði Böðvarsson skallaði í netið. Liðið hélt áfram að leika vel eftir markið, en fljótlega komst Úganda betur inn í leikinn. Úganda jafnaði af vítapunktinum. Leikurinn var nokkuð jafn eftir þetta þangað til að flautað var til leiksloka. Leikur Íslands og Suður-Kóreu í dag er fyrsta viðureign þessara þjóða. Bein útsending verður frá leiknum á Stöð 2 Sport.