SKÝRSLAN: Fyrsta jafntefli Bestu deildarinnar árið 2022
Hvað réði úrslitum?
Viljinn hjá Skagamönnum til að jafna leikinn undir lokin skilaði ÍA marki undir lok leiks. Eftir jafnræði með liðunum í fyrri hálfleik tóku Stjörnumenn yfir leikinn fram að 85 mínútu þegar Skaginn fór að sækja af miklum krafti og það skilaði inn marki og jafntefli niðurstaðan.
Bestu leikmenn
1. Jóhann Árni Gunnarsson (Stjarnan)
Jóhann Árni var að mínu mati besti maður vallarins. Var mikið í boltanum og skoraði jöfnunarmark Stjörnunnar í byrjun síðari hálfleiks.
2. Óli Valur Ómarsson (Stjarnan)
Var frábær í hægri bakverði Stjörnunnar í kvöld og var upp og niður mest allan leikinn. Lagði upp markið á Jóhann Árna eftir frábæran samleik hægra megin á vellinum.
Atvikið
Jöfnunarmarkið hjá Kaj Leo undir lokin - Fékk langan bolta frá vinstri alla leið yfir til hægri á fjær og kláraði vel framhjá Haraldi Björnssyni í marki Stjörnunnar
Hvað þýða úrslitin?
2-2 jafntefli sem þýðir að bæði lið byrja mótið á einum punkti á töfluna.
Vondur dagur
Alex Davey (ÍA) Var mjög góður í leiknum og lagði meðal annars upp markið á Gísla Laxdal sem kom liðinu yfir en hann fær þennan glugga fyrir meiðslin sem hann lenti í byrjun síðari hálfleiks og óska ég honum góðs bata, þetta leit alls ekki vel út!
Dómarinn - 8.5
Helgi Mikael og hans menn voru með góð völd á leiknum í kvöld.