SKÝRSLAN: Breiðablik valtaði yfir Suðurnesjamenn
Hvað réði úrslitum?
Blikarnir voru einfaldlega bara betra liðið í dag og voru með völdin í 70 mínútur þegar það skipti máli, héldu rosalega vel í boltann og voru effektívir fyrir framan markið og gáfu ekki mörg tækifæri á sig.
Bestu leikmenn
1. Ísak Snær
Skoraði tvö góð mörk, hljóp virkilega mikið og var öflugur á boltann.
2. Jason Daði
Mosfellingarnir bestu menn vallarins í dag. Jason ógnaði með hraða sínum og krafti og skoraði einnig frábært mark og heldur uppteknum hætti eftir frábært tímabil í fyrra.
Atvikið
Flottasta mark leiksins fær Atvikið í dag en það var seinna mark Ísaks en það var gríðarlega snyrtilegt skallamark þegar hann sneiddi boltann í fjærhornið.
Hvað þýða úrslitin?
Blikar eru á toppi deildarinnar með sin 3 stig en Keflvíkingar eru á botninum. Vissulega langt í land.
Vondur dagur
Joey Gibbs sást voðalega lítið í dag, náði aldrei að koma sér inn í leikinn, kom sér ekkert í færi né náði hann að tengja spil í kringum liðsfélaga.
Dómarinn - 8
Egill og hans teymi virkilega flottir í dag það verður bara að segjast. Meira af þessu.