Blikar hirða öll stigin og sinn fyrsta deildarsigur á KR síðan 2018 og jafnframt fyrsta sigur Óskars á KR.

VIðtöl og skýrsla væntanleg í kvöld.

Langt innkast, boltanum flikkað fyrir markið en Anton grípur boltann.

Síðasti sénsinn?

KR rembist eins og rjúpa við staur en gengur ekkert gegn þéttum Blikum.

Uppbótartími er að minnst kosti 6 mínútur.

Heimamenn fá hornspyrnu.

Anton kýlir boltann út í teiginn þar sem Kennie mætir en setur boltann hátt hátt yfir.

Tíminn að renna út fyrir KR.

Hafa lítið látið reyna á Anton í seinni hálfleik.

KR gengið illa að skapa sér afgerandi færi hér í síðari hálfleik. Naga sig í handarbökin að hafa ekki nýtt eitthvað af þeim færum sem þeir fengu í þeim fyrri.

Atli með boltann fyrir úr aukaspyrnu en heimamenn ná ekki að gera sér mat úr fínni spyrnu hans.

KR reynir að sækja en Blikar vel þéttir til baka og gefa fá færi á sér.

Eru svo stórhættulegir þegar þeir breika.

KR fær horn.

Hornin lítið verið að gefa í dag.

Breiðablik fær aukaspyrnu í fyrirgjafarstöðu úti til hægri.

Oliver yfir boltanum.

Beint inn í pakkann og KR hreinsar.

Fastur bolti á nærstöng, Gísli fyrstur á boltann en hittir ekki rammann.

Blikar fá hornspyrnu

Leikurinn stopp, Viktor Margeirs og Theodór skalla saman og liggja báðir eftir. Báðir tiltölulega fljótir á fætur og virðast í lagi.

Finnur Tómas með lélega sendingu út úr varnarlínu KR. Blikar breika 3 á 2 en sendinginn inn í teiginn fyrir Viktor Karl aðeins of föst og hann missir af boltanum.

Blikar halda pressu en sóknin endar með skot frá Höskuldi beint á Beiti í markinu.

Seinni hálfleikur rúllar af stað

Liðin gera engar breytingar svo ég sjái,

Gestirnir byrja með boltan.

Nokkuð fjörugum fyrri hálfleik lokið.

Eina sem vantar í raun eru mörk en þar hafa KRingar verið nær hingað til. Seinni að vörmu spori.

Pálmi í boltanum eftir hornið og nær honum á markið en Blikar koma boltnum frá.

Viðbrögð Antons upp á 10 þarna og markvarslan frábær!

Kennie með frábæra fyrirgjöf, Stefan tekur boltann niður en nær ekki að koma sér í skotið. Leggur boltann á Kristinn sem setur boltann af varnarmanni og afturfyrir.

Gestirnir fá hornspyrnu.

Þéttur pakki á markteig og fastur bolti innarlega frá Höskuldi, Boltinn af grænum kolli en ekki á markið.

Botninn aðeins að detta úr leiknum þessar mínútur og lítið að gerast.

Þeim mun meira um baráttu út á velli og allt það en við viljum mörk.

Ísak Snær með skotið eftir sendingu frá Davíð en setur boltann vel yfir markið.

Hvað er að gerast hérna!!!

KRingar í dauðafæri!

Fyrst Sigurður Bjartur sem tekur fáránlega vel á móti boltanum og keyrir inn á teiginn. Nær skotinu sem Anton ver beint fyrir fætur Stefáns sem skýtur í varnarmann af 40 cm færi, þaðan boltinn til Atla sem nær ekki að skófla boltanum yfir línunna framhjá Antoni og varnarmönnum.

Ótrúlegt að KR hafi ekki náð að skora þarna.

Sveitastrækerinn minnir á sig.

Sigurður Bjartur fær boltann úti til vinstri í teignum. Leikur ögn inn að marki, lætur vaða en Anton ver í horn.

KR fær horn að gjöf frá Jasoni Daða.

Atli reynir tvívegis að koma boltanum fyrir en Blikar þéttir og gefa annað horn.

Kristinn Steindórsson

Fær boltann við markteigslínu eftir sendingu frá Höskuldi en skóflar boltanum yfir markið.

Það er alvöru líf í þessu.

Ísak Snær með alvöru sprett og lipran samleik við Kristinn Steindórs. Ísak kemst inn á teiginn en Beitir gerir vel í að loka á hann úr þröngu færi og heimamenn bægja hættunni frá.

Finnur Tómas eftir hornið

Í úrvalsfæri í teignum en hittir ekki markið.

Svona færi verða að nýtast en KR færist nær og Blikar aðeins á hælunum varnarlega.

Stefan Alexander Ljubicic með hörkuskot frá vinstra vítateigshorni sem Anton þarf að hafa fyrir að verja.

Hallur og Davíð Ingvars eitthvað að kljást á vellinum eftir að brot var flautað.

Jóhann biður menn að hafa sig hæga.

Eftir seinna hornið fær Kennie boltann úti til hægri, setur boltann yfir á fjærstöng þar sem Grétar mætir á boltann en nær ekki almennilegu skoti og gestirnir hreinsa.

Og annað, Atli með lúmskan bolta fyrir sem Viktor skallar afturfyrir.

Hefði getað látið hann fara en tók enga sénsa.

Heimamenn fá horn.

Kristin Jónsson aðeins of eigingjarn þarna. KR kemst í skyndisókn 3 á 2. Kristinn með menn í teignum en ákveður að fara sjálfur, þrengir skotið um of og Anton mætir honum og ver.

KR að taka aðeins yfir þessa stundina.

Theodór Elmar liggur eftir eftir viðskipti við Oliver, Jóhann beitti hagnaði en geymir spjaldið að sinni.

Atli Sigurjóns í dauðafæri!

Gerir vel að vinna skallaboltann við Davíð, boltinn í loftinu á Stefán sem í baráttu við tvo varnarmenn fær boltann í sig sem dettur beint fyrir fætur Atla sem er furðulega einn hægra megin í teignum en skot hans með hægri framhjá markinu.

Beitir leiðist þetta hornaflóð og mætir út og grípur boltann. KR byggir upp.

Enn fá Blikar horn. Tekið stutt í þetta sinn, Oliver með boltann fyrir markið en enn koma KRingar boltanum í horn.

Blikar betri í byrjun.

Atli Sigurjóns með vonda sendingu til baka sem Davíð eltir, Finnur Tómas fyrstur á boltann og setur hann út af.

Blikar að fá sitt þriðja horn í röð hér, engin hætta þó skapast. Heimamenn hreinsa.

Blikar fá aukaspyrnu í góðri fyrirgjafarstöðu.

Davið Ingvars með boltann fyrir en boltinn af varnarmanni og afturfyrir.

Hornspyrna.

Þetta er farið af stað. Heimamenn hefja leik

Heyr mína bæn ómar um Meistaravelli og liðin ganga til vallar.

Vonumst að sjálfsögðu eftir frábærum leik tveggja góðra liða.

Vallarstjórinn

Sérstakt hrós á vallarstjóra KR Magga Bö fyrir vallaraðstæður. Magnað að sjá hvað völlurinn hefur tekið vel við sér í vor og lítur afar vel út svona úr stúkunni séð.

Byrjunarliðin eru komin inn:
Einungis ein breyting er á byrjunarliðum þessara liða. Sigurður Bjartur Hallsson kemur inn í lið KR frá leiknum gegn Fram. Sigurður kemur inn fyrir Stefán Árna Geirsson sem er ekki í hóp í dag.

Kjartan Henry Finnbogason er í leikbanni eins og í fyrstu umferð og er því ekki í leikmannahópi KR í dag. Pontus Lindgren, sem kom frá Svíþjóð á dögunum, er kominn með leikheimild hjá KR og er á varamannabekknum.

Breiðablik er með óbreytt lið frá sigrinum gegn Keflavík. Ásgeir Galdur Guðmundsson, sem fæddur er árið 2006, er á bekknum hjá Breiðabliki. Adam Örn Arnarson er ekki í leikmannahópi Breiðabliks.

Dómarar

Jóhann Ingi Jónsson er aðaldómari í þessum leik. Honum til aðstoðar eru Bryngeir Valdimarsson og Kristján Már Ólafs.
Einar Ingi Jóhannsson er varadómari og eftirlitsmaður KSÍ er Þórður Georg Lárusson.

Aðeins meiri tölfræði

Síðan árið 2017 hafa liðin leikið alls 10 leiki hvort gegn öðru í efstu deild. Þegar rýnt er í úrslit má glöggt sjá að KR liðið hefur verið mikil hindrun fyrir Blika. Sex sinnum hefur KR farið með sigur af hólmi, þremur leikjum hefur lokið með jafntefli og aðeins einu sinni á síðustu fimm árum hafa Blikar tekið öll stigin þrjú gegn KR.

Markatalan er einnig ríflega KR í hag af nokkuð augljósum ástæðum eða 17-7

KR

KR vann 4-1 sigur gegn Fram í fyrstu umferð. Auðvelt er að segja að lærisveinar Rúnars Kristinsonar hafi verið klíniskir fyrir framan markið í þeim leik en þeir nýttu þrjú fyrstu færin sín í fyrri hálfleik og voru komnir í 3-0 eftir um 25 mínútna leik.

Jöfn og góð frammistaða hjá KR liðinu sem ætlar sér að vera með í baráttunni um þann stóra í sumar líkt og áður.

Breiðablik

Grænklæddir Kópavogspiltar hófu mótið á þægilegum 4-1 sigri á Keflavík í fyrstu umferð mótsins. Sigur þeirra hefði hæglega geta verið stærri en á löngum köflum leit Blikaliðið frábærlega út í leiknum.

Einn leikmaður í liði Blika Ísak Snær Þorvaldsson stóð þó sérstaklega upp úr í þeim leik og var valin besti leikmaður 1.umferðar.

,,Ísak veit að þegar hann er í sínu toppstandi þá á hann ekki að vera að spila á Íslandi og hann veit það alveg. Hann er að vinna í því og ætlar að koma sér aftur út.''
Sagði Sæbjörn Steinke í Innkastinu um Ísak en nánar má lesa um Innkastið hafði að segja um Ísak hér

Risaslagur framundan

Heil og sæl kæru lesendur og verið velkomin í beinatextalýsingu Fótbolta.net frá risaslag KR og Breiðabliks í 2.umferð Bestu deildar karla.