SKÝRSLAN: Ótrúlegur leikur á heimavelli hamingjunar
Hvað réði úrslitum?
Stórkostlegur fótboltaleikur þar sem sóknarleikurinn var í fyrirrúmi. Gústi Gylfa hafði orð á því fyrir leik að þetta yrði sennilega besti leikur sumarsins og það er ekkert sem mælir gegn því. Ótrúleg skemmtun sem bæði lið áttu skilið að vinna en Stjörnumenn voru grimmari og refsuðu betur sem skildi að í kvöld.
Bestu leikmenn
1. Emil Atlason
Skoraði þrennu, sá ekki hvort hún hafi verið fullkominn þrennan en hún var allavega nálægt því. Emil Atla að byrja þetta mót með látum!
2. Kristall Máni Ingason
Skoraði líka þrennu og dró vagninn fremst á vellinum fyrir Víkinga.
Atvikið
Það eru svo mörg atriði sem hægt er að pikka út en ég ætla að velja þriðja mark Stjörnumanna en Víkingar vildu fá vítaspyrnu þegar þeir töldu vera brotið á Kristal Mána en ekkert var dæmt og Stjörnumenn keyrðu upp völlinn og skoruðu.
Hvað þýða úrslitin?
Íslands og Bikarmeistarar Víkinga eru með 50% sigurhlutfall eftir 4 leiki. 2 sigrar og 2 töp.
Stjörnumenn eru taplausir með 2 sigra og eitt jafntefli og sendu klár skilaboð í baráttuna um topp 6.
Stjörnumenn eru taplausir með 2 sigra og eitt jafntefli og sendu klár skilaboð í baráttuna um topp 6.
Vondur dagur
Þetta var ekki dagur varnarmannana. Varnarleikurinn átti ekki góðan dag eflaust mörgum til mikillar skemmtunar.
Dómarinn - 8
Flott tök á leiknum. Leikurinn fékk að fljóta og ekkert sem hægt er að benda á varðandi dómgæsluna.