SKÝRSLAN: Dalvíkingurinn Nökkvi Þeyr hetja KA á Dalvík
Hvað réði úrslitum?
KA menn með fullt hús stiga eftir fyrstu þrjá leikina, gekk ekkert sérlega vel í dag en stigin þrjú komust samt í hús. KA menn voru sterkari undir lokin og höfðu þetta.
Bestu leikmenn
1. Nökkvi Þeyr Þórisson
Dalvíkingurinn kom sá og sigraði! Frábær í kvöld. Steig upp í lokin, svell kaldur á vítapunktinum.
2. Patrik Johannessen
Þeir Patrik og Gibbs áttu fína spretti í leiknum, Patrik kom Keflvíkingum í forystuna með góðu marki.
Atvikið
Keflvíkingar í góðri stöðu en fá á sig vítaspyrnu undir lok leiksins sem Nökkvi skorar úr og KA menn fá byr undir báða vængi eftir það og klára leikinn.
Hvað þýða úrslitin?
KA með fullt hús stiga ásamt Val og Breiðablik og byrja mótið frábærlega. Keflvíkingar áttu fínan leik í dag en fá ekkert útúr honum, 0 stig eftir fjóra leiki hjá þeim, brekka.
Vondur dagur
Ef og hefði, Keflvíkingar hefðu getað verið búnir að gera út um leikinn áður en KA fékk vítaspyrnuna eftir að Magnús Þór braut klaufalega á Daníel. Adam Ægir misnotaði gott færi undir lok leiksins.
Dómarinn - 6
Lét leikinn fljóta vel, var ekkert að missa sig í spjöldunum, fyrsta spjaldið á loft eftir tæplega 10 mínútna leik. Spurning hvort KA hefði átt að fá vítaspyrnu fyrr í leiknum.