+6

Leik lokið. Jafntefli niðurstaðan. Viðtöl og umfjöllun á leiðinni

+3

Þetta er að renna út. Stefnir í jafntefli.

6 mínútum bætt við.

Gísli Laxdal með þrusu skot að marki sem fór framhjá en hefði ekki skipt máli, hann var úrskurðaður rangstæður.

Alex Freyr liggur eftir hér upp við hornfána Skagamanna og kveinkar sér mikið. Virtist hafa stigið eitthvað vitlaust niður.

Ólafur er stðainn á fætur eftir aðhlynningu.

Ólafur Íshólm liggur eftir og sjúkraþjálfarinn er kominn inn á. Sá ekki hvað gerðist.

Skagamenn reyna að þrýsta Frömmurum aftar á völlinn. En það er hreinlega bara ekkert að gerast í þessum leik.

Skagamenn með þolinmóða uppbyggingu í sóknarleiknum. Spiluðu boltunum vel á milli sín, Kaj lagði hann svo upp í horn á vítateig Fram en sendingin of laus og sóknin rann út í sandinn. Fyrsta markverða sem ÍA gerir í seinni hálfleik.

Fátt um fína drætti það sem af er.

Það er engin lygi þegar ég held því fram að mark Fram liggur soldið í loftinu núna. Skagamenn eru samt þéttir fyrir og koma í veg fyrir að sóknir Frammara verði hættulegar.

Fred geystist upp völlinn og var nærri því búinn að stinga síðasta varnarmann skagamanna, Jón Gísla af en krafturinn í Fred var ekki nægur.

Framarar byrja seinni hálfleikinn af krafti og pressa Skagamenn duglega hér í byrjun.

Heimamenn byrja með boltann og sá seinni er hafinn! Let´s go!

Liðin eru komin aftur inn á völlinn. Seinni hálfleikur við það að hefjast.

Kominn hálfleikur.

Jöfnunarmarkið lá í loftinu. Skagamenn voru búnir að liggja ansi mikið á Frömurum og enn eitt markið úr föstu leikatriði hjá Skagamönnum. Seinni hálfleikur verður fróðlegur.

Albert með skot í átt að marki ÍA en það var laust og Árni átti ekki vandræðum með að grípa boltann.

Skagamenn reyna án afláts að ógna marki Fram. Gísli Laxdal og Kaj Leó eru soldið allt í öllu í leik skagamanna.

Framarar taka þetta mark og leggjast aðeins og leyfa Skagamönnum að sækja á sig. Skagamenn eru meira með boltann og spila stutt á milli sín en ná ekki að ógna markinu.

Minni þá sem eru á Twitter á sama tíma og þeir njóta leiksins að nota myllumerkið #fotboltinet þegar tíst er um leikinn.

Skagamenn voru virkilega ósáttir við markið, töldu að um rangstöðu væri að ræða en Elías Ingi og aðstoðardómarar voru vissir í sinnni sök

Jón Gísli með skot hátt yfir markið.

Gísli Laxdal í góðu færi í teignum en frábær markvarsla hjá Ólafi Íshólm.

Fred með skot í varnarmann og yfir mark ÍA. Hornspyrna sem Framarar fá.

Uppstillingin er sirka svona

Fram:
Ólafur
Alex - Tshiembe - Þórir - Már
Hlynur - Indriði - Albert
Guðmundur - Jannik -Fred

ÍA
Árni
Jón Gísli - Aron Bjarki - Hlynur - Vall
Brynjar - Benedikt - Eyþór
Kaj Leó - Eyþór - Gísli Laxdal

Gíxli Laxdal gerði sig líklegan á hröðum spretti upp vinstri kantinn en frábær tækling hján Alex Fery sem hirti af honum boltann.

Alex með skot hátt yfir mark skagamanna.

Þórir Guðjónsson spilar í miri vörn Framara að þessu sinni.

Skagamenn byrja með boltann og leika í átt að félagsheimilinu.

Markmannsbúningur Ólafs Íshólm markmanns Fram vekur athygli, þverröndóttur rauður og hvítur eins og aðalbúningur HK.

Liðin eru komin út á völl. Framarar að venju í bláum treyjum og hvítum buxum og skagamenn í gulum treyjum og svörtum buxum.

Tíu mínútur í leik og liðin eru komin inn í klefa í lokaundirbúning með þjálfurunum. Farið að þéttast vel í stúkunni.

Jón Sveinsson þjálfari Fram gerir þrjár breytingar á liði sínu frá 4 - 2 tapi gegn FH í síðustu umferð. Gunnar Gunnarsson, Alexander Már Þorláksson og Tryggvi Snær Geirsson fara út fyrir þá Þórir Guðjónsson, Jannik Holmsgaard og Indriða Áka Þorláksson.

Jón Þór Hauksson þjálfari ÍA gerir tvær breytingar á liði sínu frá 3 - 0 sigrinum gegn Víkingum. Oliver Stefánsson og Steinar Þorsteinsson fara út en þeir Benedikt Waren og Brynjar Snær Pálsson koma inn.

Jón Þór Hauksson þjálfari ÍA fagnar 44 ára afmælisdegi sínum í dag. Til hamingju með daginn!

Það er ekki bara fótboltinn sem fólk getur verið spennt fyrir í Safamýrinni í kvöld því stuðningsmannahópur ÍA hefur verið frábær í byrjun tímabilsins, rétt eins og í lokin í fyrra. Það verður gaman að fylgjast með þeim með sixpensarana í stúkunni.

Fram hefur tapað báðum leikjum sínum í Bestu-deildinni til þessa. Þeir töpuðu heima gegn KR 1 - 4 í fyrstu umferðinni og í síðustu viku töpuðu þeir 4 - 2 úti gegn FH.

Skagamenn hafa byrjað mun betur. Þeir gerðu jafntefli í Garðabænum gegn Stjörnunni í fyrstu umferðinni, 2 - 2. Í annarri umferðinni unnu þeir 3 - 0 sigur á Íslands- og bikarmeisturum Víkings en þá var leikið á Akranesi.

Elías Ingi Árnason dæmir leikinn í dag og er með þá Odd Helga Guðmundsson og Berg Daða Ágústsson sér til aðstoðar á línunum. Helgi Mikael Jónasson er skiltadómari og KSÍ sendir Sigurð Hannesson sem eftirlitsmann sem fylgist með umgjörð og störfum dómara.
Elías Ingi Árnason dæmir í dag.

Góðan daginn og verið velkomin í beina textalýsingu frá viðureign Fram og ÍA í Bestu deild karla.

Leikurinn hefst 19:15 á Framvellinum í Safamýri.