SKÝRSLAN: Dómaramistök og illa farið með færin í Breiðholtinu
Hvað réði úrslitum?
Margt sem spilaði inn í, dómaramistök, færanýting Víkinga en bannað að gleyma frábærum varnarleik Leiknismanna en þeir lögðu allt í sölurnar hér í kvöld.
Bestu leikmenn
1. Viktor Freyr Sigurðsson
Hinn óreyndi markmaður Leiknismanna var frábær í dag og varði oft mjög vel í markinu og gerði oft mjög vel með að grípa boltann í þessu blauta veðri í dag
2. Bjarki Aðalsteinsson
Fyrirliðinn einnig frábær í dag sem og öll vörn Leiknismanna, Bjarki skallaði trilljón fyrirgjafir í burtu hér í kvöld
Atvikið
Þegar að Þorvaldur dæmir ekki augljósa vítaspyrnu eftir 6 mínútna leik þegar að Nikolaj fór niður í teignum, víti og mark eftir 6 mínútur hefði sett leikplan Leiknismanna í vaskinn og Víkingar líklega farið heim með 3 stig
Hvað þýða úrslitin?
Víkingar sitja í 5. sæti með 7 stig en Leiknismenn sitja í 10. sæti með aðeins tvö stig
Vondur dagur
Kristall Máni Ingason var fór rosalega illa með færin sín í dag en Kristall fékk tvö dauðafæri sem og eitt mjöööög gott skallafæri en brenndi af í öll þrjú skiptin.
Dómarinn - 2
Þorvaldur kallinn má eiga það hann hélt sinni línu í kvöld en fyrir mér þá átti hann að dæma þrjár vítaspyrnur hér í kvöld, tveir dómar mjööög augljósir og sá síðasti smá erfitt að sjá en engu að síður agaleg frammistaða í kvöld hjá Þorvaldi.