Keflvíkingar sækja sinn fyrsta sigur á tímabilinu og fara í fjögur stig. Leiknismenn þurfa að fara yfir hlutina og það hvernig á að skora mörk.

Viðtöl og skýrsla væntanleg.

Sindri Þór í prýðis færi eftir skyndisókn en hittir ekki markið

Þetta er að fjara út hægt og rólega. Keflvíkingar að sækja sinn fyrsta sigur í deildinni svo mikið er víst.

Uppbótartími er að minnsta kosti 3 mínútur.

Rúnar Þór með fyrirgjöf frá vinstri á nærstöngina, Leiknismenn komast fyrir og boltinn í horn.

Patrik þræðir Helga í gegn vinstra megin í teignum. Helgi einn gegn Viktori sem er fljótur út og lokar á Helga og ver skot hans vel,

Dauft yfir þessu eins og er. Keflvíkingar sáttir með sitt og eru ekki á fullu gasi. Leiknismenn reyna en eru helst til mislagðir fætur í viðleitni sinni að koma sér aftur inn í leikinn.

Viktor með virkilega góða vörslu

Gibbs fær boltann við vítapunkt og lætur vaða niður i hornið hægra megin, Viktor snöggur niður og ver boltann en heldur honum ekki. Adam Ægir reynir við frákastið en Viktor kastar sér á boltann og nær honum á undan.

Patrik verið líflegur hér í síðari hálfleik. Lætur aftur vaða á svipuðum stað og áðan en í þetta sinn nær Viktor að handsama boltann.

Patrik með skalla að marki eftir langt innkast Rúnars en boltinn framhjá markinu.

Siggi Höskulds hendir í tvöfalda skiptingu. Freistar þess að hleypa smá lífi í þetta aftur hjá gestunum.

Sláarskot

Emil Berger lætur vaða af löngu færi og boltinn smellur í slánni! Frábært skot en fær ekkert fyrir það. Leiknismenn þessari frægu hársbreidd frá marki nú tvívegis í leiknum.

Ivan og Binni Hlö að kljást og Ivan fer niður með tilþrifum. Það var akkurat ekkert í þessu.

Allt annað að sjá til Leiknisliðsins hér í seinni hálfleik, kraftur og áræðni sem vantaði tilfinningalega í þeim fyrri. Vinna sig hér í ágæta stöðu við teig Keflavíkur en boltinn framhjá öllum í teignum og í markspyrnu.

Maciej Makuszewski með hörkuskot úr teignum hægra megin en Sindri ver vel.

Seinni hálfleikur rúllar af stað

Gestirnir byrja með boltann hér í síðari hálfleik.

Hornið tekið, Keflvíkingar fyrstir á boltann og flautað til hálfleiks.

Erfitt að segja annað en að forysta þeirra sé verðskulduð en Róbert Hauksson getur nagað sig í handarbökin að hafa ekki nýtt frábært færi í hálfleiknum og jafnað þar leikinn.

Komum aftur með seinni 45 að vörmu spori.

Maciej Makuszewski með skotið frá vítateig sem Sindri ver vel í horn.

Viktor bjargar Leiknismönnum

Boltinn dettur fyrir fætur Gibbs í teignum eftir laglegt samspil Keflvíkinga en Viktor ver stórkostlega með fótunum af stuttu færi.

Upp úr hornspyrnu í kjölfarið kemur ekkert.

Rólegt yfir þessu þessa stundina, Keflvíkingar ívið sterkari ef eitthvað er en það má lítið á milli bera.

Stuðningssveit Keflavíkur er þó í góðu stuði og hendir í eitt Víkingaklapp. Ekki alveg eins og í Nice 2016 en stemming í þessu.

Áhugaverðir taktar hjá Rúnari í teig Leiknis.

Rennur á hnén en nær á einhvern furðulegan hátt að leika á tvo Leiknismenn á hnjánum, reynir sendingu fyrir markið en Dagur Austmann kemst fyrir og setur boltann afturfyrir.

Leiknismenn fá hornspyrnu. Þeirra fyrsta í leiknum.

Dahl með boltann fyrir, Sindri mætir út en missir af boltanum en kemst upp með það. Keflvíkingar hreinsa.

Sindri Þór með skot af 20 metrum fyrir heimamenn en boltinn í fang Viktors.

Heimamenn halda áfram, Ivan með skotið en rétt framhjá markinu.

Boltinn skallaður frá en Keflvíkingar koma aftur. boltinn berst á Rúnar sem lyftir honum fyrir markið þar sem Nacho skallar hárfínt framhjá.

Adam Ægir finnur Rúnar í svæði úti til vinstri, Rúnar reynir fyrirgjöf en af varnarmanni og afturfyrir

Adam með stórhættulega spyrnu inn að markinu, ég get ekki séð annað en að þessi hafi farið af pakkanum í markteignum og í stöngina.

Keflvíkingar fá hornspyrnu.

Leiknismenn að komast í álitlega stöðu í teig Keflavíkur en sending Maciej fyrir markið finnur ekki samherja.

Leiknismenn halda áfram en Arnór Ingi hittir ekki á markrammann úr ágætu færi.

Rúnar með skot/fyrirgjöf af löngu færi úr aukaspyrnu. Boltinn beint í fang Viktors sem heldur boltanum.

Leiknismenn í dauðafæri!!!!

Mikkel Dahl fer vel með boltann úti til hægri og Leiknismenn spila sig í gegnum öftustu línu Keflavíkur. Róbert Hauksson fær boltann í ögn til vinstri fyrir miðjum teig þar sem hann er aleinn en skot hans hafnar í þverslánni og út

Svona færi þarf að nýta!

óbert Hauks með laglegan sprett og tekur tvo Keflvíkinga á. Missir boltann þó á endanum of langt frá sér sem fer aftur til Sindra í markinu.

Bjarki og Viktor lenda í samstuði í atvikinu sem leiðir til marks Keflavíkur. Bjarki fær að sögn kollega hnéð á Viktori beint í andlitið,

Þökkum Atla á Vísi kærlega fyrir þessar upplýsingar.

Bjarki Aðalsteinsson liggur eftir í teignum eftir markið. Spurning hvort hann og Viktor hafi skollið saman en ég sá það hreinlega ekki nógu vel.

Gibbs í frábæru færi í teignum en nær ekki að leggja boltann fyrir sig og Leiknismenn hreinsa.

Ingimundur Aron með aukaspyrnu á miðjum vallarhelmingi Leiknis, Setur boltann inn á teiginn þar sem Nacho mætir en þarf að teygja sig í boltann og nær ekki að setja hann á markið.

Þetta er farið af stað hér í Keflavík. Það eru heimamenn sem hefja hér leik.

Styttist óðum í leik hér. Harðkjarna stuðningsmenn Leiknis eru glaðbeittir í stúkunni að fagna sigri Lyngby á Hvidrove. Freyr Alexandersson og Sævar Atli Leiknis legend að gera gott mót þar.

Lyngby tyllti sér á topp deildarinnar með sigrinum en Horsens og Helsingor sem sitja í 2-3 sæti eiga leik til góða þar sem þau mæta hvort öðru á morgun.

Samgleðjumst Leiknismönnum að sjálfsögðu með það.

Byrjunarliðin

Liðin eru mætt og hús og tvær breytingar á báðum liðum frá síðasta leik.

Hjá Keflavík tekur fyrirliðinn Magnús Þór Magnússon út leikbann. Þá er Frans Elvarsson ekki heldur í hóp hjá Keflavík í kvöld. Sindri Þór Guðmundsson og Edon Osmani fylla þeirra skörð í byrjunarliðinu

Hjá Leikni fara þeir Daði Bærings og Birgir Baldvinsson á bekkinn og i þeirra stað koma Maciej Makuszewski og Mikkel Jakobsen. Kristófer Konráðsson sem kom frá Stjörnunni í vikunni er ekki í leikmannahópi Leiknis í kvöld.

Dómarar

Einar Ingi Jóhannsson heldur um stjórnartauminn í leik dagsins honum til aðstoðar eru Egill Guðvarður Guðlaugsson og Andri Vigfússon. Fjórði dómari er Þorvaldur Árnason og eftirlitsmaður KSÍ er Björn Guðbjörnsson.

Keflavík

Líkt og gestirnir hafa Keflvíkingar farið mjög rólega af stað í mótinu. 1 stig er í húsi að loknum fimm leikjum hjá Keflavík. Það stig kom í síðustu umferð þegar liðið gerði 3-3 jafntefli á heimavelli gegn ÍBV eftir að hafa leitt 2-0 í hálfleik.

Magnús Þór Magnússon fyrirliði Keflavíkur tekur út leikbann vegna brottvísunar í kvöld en hann fékk tvö gul spjöld og þar með rautt í fyrri hálfleik í leiknum gegn ÍBV. Fyrirfram myndi ég ætla að vegna þess færist Nacho Heras í miðvörðinn og Ásgeir Páll komi inn í hægri bakvörðinn en það kemur allt í ljós í kvöld.

Leiknir

Leiknismenn hafa farið hægt af stað á þessu móti. 2 stig í fyrstu fjórum leikjunum var eflaust ekki það sem Breiðhyltingar ætluðu sér fyrir mót. Öllu verra er að Leiknismenn hafa aðeins einu sinni fagnað marki í þessum fjórum leikjum en sá böggull fylgir skammrifi að það var sjálfsmark í 1-1 jafntefli liðsins gegn ÍBV. Varnarleikur liðsins hefur þó verið nokkuð þéttur í síðustu leikjum og héldu þeir meðal annars hreinu í leik gegn Víkingum á dögunum í 0-0 jafntefli.

Sagan um Daníel Finns Matthíasson tók loks enda nú undir lok félagaskiptagluggans þegar staðfest var að hann væri farinn í Stjörnuna. Í hina áttina kom Kristófer Konráðsson sem er kominn með leikheimild og ætti að vera klár í slaginn í kvöld.

Komið þið sæl lesendur góðir og verið velkomin í beina textalýsingu Fótbolta.net frá leik Keflavíkur og Leiknis í fimmtu umferð Bestu deildar karla.