Hörkuleikur, ótrúlegt að við fengum ekki fleiri mörk. Selfyssingar geta haldið áfram að láta sig dreyma, walking in Deno wonder land.

Það er mikið um að vera í vítateig Selfyssinga. Spurning hvort eitthvað þurfu unadan að láta.

Aron Einarsson brýtur af sér hægra megin við vítateig, aukaspyrnan endar í hornspyrnu sem endar í engu.

Kristófer Orri með skot upp úr litlu. Er fyrir utan teig og lætur vaða, boltinn rétt hægra megin við markið.

Kristófer á skot á mark, Chris er fyrir boltanum sem rétt sleikir slánna. Læti í þessu núna.

Gróttumenn fá aukaspyrnu örlítið fyrir utan vítateig Selfyssinga, Kjartan Kári kom skoti beint á mark, en líka beint í fangið á Stefáni.

Aukaspyrnan er við hlið vítateigs, en hún er ekki vel útfærð og endar í hraðri sókn Gróttu.

Hættuuleg sókn Selfyssinga, upp hægri kantinn. Tokic framlengir boltann á Gonzalo sem ræðst að marki af kantinum, Jón Ívan sér við honum.

Læti í teig Selfyssinga, Gróttumenn nálægt því að komast í dauðafæri, boltinn rúllar til Stefáns í marki Selfyssinga. Hann tekur boltann upp og Gróttumenn ærast, vilja meina að Selfyssingur hafi rúllað boltanum til hans.

Elías Ingi flautar þetta í gang aftur, aðeins er búið að bæta í gjóluna. Hún er enn hún er þó enn róleg og þvert á völlinn.

Fjörugar lokamínútur hér á Selfossi. Fáum okkur einn bolla og tökum stöðuna á þessu á eftir.

Selfyssingar vinna boltann á miðjum vellinum, þeir fara fjórir fram á móti fjórum varnarmönnum. Tokic velur líklega ekki rétt og Grótta fær markspyrnu.

Gróttumenn í stórhættulegri sókn! Gabríel Hrannar fær boltann á vítateigsboganum gegn fáliðaðri vörn Selfyssingum, einn þessara varnarmanna blokkar þó skotið. Eftir smá darraðardans líður hættan svo hjá.

Gary Martin fær sendingu inn fyrir vörn Gróttu, hann fer upp hægri kantinn og rúllar boltanum í gegnum markteig, en þar er enginn samherji. Það er aðeins farið að lifna yfir þessu.

Gary Martin kemst upp vinstri kantinn en fær ekkert nema hornspyrnu. Boltinn berst út fyrir teig á Danijel sem lúðrar boltanum vel framhjá.

Selfyssingar fá hornspyrnu sem endar í höndum Jóns Ívans. Gróttumenn komast í álitlega stöðu sem nær þó ekki að verða að færi.

Kjartan Kári kominn einn í gegn, en gómaður í rangstöðu. Liðin eru annars að fara rólega af stað.

Leikur er hafinn, Grótta sækir í átt félagsheimili heimamanna.

Star Wars þemað tekið að hljóma og vallaþulurinn byrjaður að segja gestum frá því hverjir munu leika hér í dag. Þetta fer að skella á!

Selfyssingar tefla fram óbreyttu liði frá síðasta leik. Það sama er ekki hægt að segja um Gróttu, þar kemur inn Dagur Þór og út fer Kristófer Melsted.

Aðstæður til knattspyrnuiðkunar á Selfossi eru vægast sagt til fyrirmyndar í dag!

Lognið á undan storminum 🌬️🌞

Selfoss - Grótta, 19:15. pic.twitter.com/rjz3udbxhK

— Selfoss Fótbolti (@selfossfotbolti) May 13, 2022

Í útvarpsþætti Fótbolta.net fóru Elvar Geir og Tómas Þór yfir leik HK - Selfoss og fóru vægast sagt ófögrum orðum um vörn Selfyssinga. Það er spurning hvernig henni muni farnast gegn flugbeittum skyndisóknum Gróttumanna. Á móti má segja að Selfyssingar tefli fram ansi hættulegri framlínu sem hatar ekkert að ná sér í mark eða þrjú til að setja á samfélagsmiðlana. Í öllu falli held ég að það sé óhætt að lofa einhverjum mörkum hér í kvöld!

Grótta tók á móti strákunum hans Samma á Nesinu. Það urðu ekki síður athyglisverð úrslit, en Grótta lagði vestra með fimm mörkum gegn engu. Tvö lið sem ýmist hefur verið spáð á svipuðum stað í töflunni, Vestra var meira að segja spáð í fjórða sætið hjá Fótbolta.net. Luke Rae skoraði tvö mörk í þessum leik, aðrir minna.

Selfyssingar byrjuðu tímabilið á leik gegn Handknattleiksfélagi Kópavogs. Í Kórnum náðu þeir nokkuð óvænt stigunum þrem eftir 3-2 sigur. Sterkt fyrir Selfyssinga að þar komust tveir af þeim sem eiga að skora mörkin á blað, Gary Martin með tvö og Gonzalo Zamorano með sigurmarkið.

Toppslagur á Selossi Komið sæl og verið velkomin til leiks með okkur á JÁVERK-völlinn á Selfossi. Hér munu tvö af toppliðum Lengjudeildarinar mætast, en þau unnu bæði sinn leik í fyrstu umferð. Þessum liðum var spáð áttunda og níunda sæti bæði í spá þjálfara og fyrirliða sem og í spá Fótbolta.net.