Komiði sæl og veriði velkomin í beina textalýsingu frá viðureign U21 árs landsliða Íslands og Belgíu. Byrjunarliðin eru klár hér sitthvorum megin við lýsinguna. Við minnum fólk á að valdar færslur af samskiptavefnum Twitter gætu ratað hingað inn. Notið #fotbolti svo eftir þeim sé tekið.

Arnor Angele leikmaður Belgíu byrjar á varamannabekknum í dag með treyjunúmerið 13. Hann er skírður í höfuðið á Arnóri Guðjohnsen sem var í guðatölu hjá föður hans er hann lék með Anderlect á sínum tíma er hann lék þar á árunum 1983-1990.æ Arnor Angele er fæddur árið 1991 og leikur á miðjunni hjá Standard Liege.

Finnur Orri Margeirsson ber fyrirliðabandið hjá íslenska liðinu í dag. Liðið er mikið breytt frá Evrópumótinu í sumar en margir leikmenn eru orðnir of gamlir fyrir liðið og þá eru þeir Kolbeinn Sigþórsson og Jóhann Berg Guðmundsson með A-landsliðinu og Hólmar Örn Eyjólfsson meiddur.

Dómarateymið kemur frá Tékklandi. Miroslav Zelinka dæmir leikinn og línuverðir eru þeir Antonin Kordula og Ondrej Pelikan. Radek Matejek er fjórði dómari.

Eyjólfur Sverrisson og Tómas Ingi Tómasson eru áfram þjálfarar íslenska liðsins sem er í dag að leika sinn fyrsta leik síðan á Evrópumótinu í sumar. Nú þurfa þeir að móta alveg nýtt lið eftir frábæran árangur í síðustu undankeppni. Þó eru leikmenn eins og Björn Bergmann Sigurðarson, Guðlaugur Victor Pálsson og Þórarinn Ingi Valdimarsson sem voru á Evrópumótinu. Þeir byrja allir í dag.

Eyjólfur Sverrisson fær ekki að koma nálægt íslenska liðinu í dag og er því mættur í VIP stúkuna. Hann fékk brottvísun í síðasta leik á Evrópumótinu og byrjar því fyrstu tvo leiki Íslands í leikbanni. Í fjarveru hans stýrir Tómas Ingi Tómasson liðinu.

Liðin eru komin út á völl og nú verða þjóðsöngvar liðanna leiknir. Það styttist í leik og áhorfendur eru farnir að tínast í stúkuna.

Leikurinn er hafinn.

Eyjólfur og Tómas Ingi stilla upp í leikkerfinu 4-3-3. Eitthvað sem lítur svona út: Arnar Darri Pétursson Jóhann Laxdal - Eiður Aron - Finnur Orri - Kristinn Jónsson Björn Daníel - Guðlaugur Victor Þórarinn Ingi Aron Jóhannsson - Björn Bergmann - Kristinn Steindórsson

Leikurinn fer frekar rólega af stað. Bæði lið hafa fengið hornspyrnur sem ekkert kom út úr. Á meðan halda áhorfendur áfram að bætast í stúkuna og kemur í raun á óvart hversu vel er mætt miðað við að leikurinn hefst 17:00 á virkum degi.

Góð sókn hjá Íslandi endaði með því að Aron sendi boltann fyrir mark Belga, Björn Daníel skallaði áfram til Kristinn Steindórssonar sem var í góðu færi en skaut lausu skoti beint á Coosemans markmann Belga.

Íslendingar sækja mest upp vinstra megin þar sem Blikarnir Kristinn Steindórsson og Kristinn Jónsson eru. Sá síðarnefndi er bakvörður og fer mikið upp völlinn og tekur virkan þátt í sóknarleiknum.

Arnar Darri varði frábærlega frá Guillaume Francois sem var í dauðafæri í teignum.

Íslendingar fengu aukaspyrnu á hættulegum stað rétt fyrir vítateig Belga eftir að booltinn fór í hönd eins Belga. Aron Jóhannsson tók spyrnuna og skaut hátt yfir markið.

Kristinn Steindórsson tók bogaskot fyrir utan teiginn sem Coosemans greip.

Það er kominn hálfleikur á Vodafonevellinum. Staðan er 1-1.

Síðari hálfleikur er hafinn. Engin breyting var gerð á liðunum í hálfleik.

Bendeke í góðu færi eftir fyrirgjöf af hægri en skallaði yfir mark íslenska liðsins.

Björn Bergmann slapp einn í gegn og ætlaði að setja boltann undir Coosemans en nú varði hann frá honum. Björn Daníel átti aftur sendinguna og þarna munaði litlu að þeir næðu að endurtaka mark Íslands.

Benteke heldur áfram að valda usla fyrir framan mark íslenska liðsins. Nú átti hann fastan skalla rétt yfir markið.

Guðlaugur Victor stakk boltanum inn á Aron Jóhannsson sem var kominn einn gegn markverði en skaut yfir markið.

Sjö mínútur eftir af leiknum. Belgarnir eru farnir að sækja stífar á okkur en eru klaufskir upp við markið og lítið kemur út úr þeim. Það er fínt fyrir okkar menn.

Einni mínútur er bætt við venjulegan leiktíma.

Benteke með sitt besta færi, skallaði að marki en nú varði Arnar Darri vel.

Leiknum er lokið.