SKÝRSLAN: Blikar sluppu með skrekkinn gegn sprækum Frömurum
Hvað réði úrslitum?
Ég veit ekki hvort það eigi að kalla þetta meistaraheppni. Blikar náðu amk að kreista fram sigur í lokin en sigurinn hefði allt eins getað fallið Fram meginn
Bestu leikmenn
1. Tiago Manuel Da Silva Fernandes
Mér fannst Tiago bestur í dag þó hann hafi verið í tapliði. Mark og stoðsending og flottir sprettir í leiknum. Gerði Blikum mjög erfitt fyrir.
2. Kristinn Steindórsson
Skoraði tvö mörk og var góður, sérstaklega í fyrri hálfleik. Hefði getað skorað þrennu ef hann hefði nýtt seinna vítið en allt kom fyrir ekki.
Atvikið
Það verður að skrifast á sigurmarkið sem Omar Sowe skoraði undir lok leiksins.
Hvað þýða úrslitin?
Blikar eru áfram á toppi deildarinnar með fullt hú stiga en eftir leiki kvöldsins er Fram í 10. sætinu með fimm stig.
Vondur dagur
Erfitt að velja einhvern einn í þessum stórskemmtilega leik sem við fengum að sjá í dag. Ég hugsa samt að varnarlínur beggja liða viti að þær geta gert betur. T.d. má nefna að báðir bakverðir Fram fengu dæmd á sig klaufaleg víti í dag.
Dómarinn - 7
Einar Ingi er hörku dómarinn og ég held að flestar stóru ákvarðirnar hafi verið réttar. Það er smá spurning hvort Fram hefði mögulega átt að fá víti. Heilt yfir fínn leikur samt.