SKÝRSLAN: Víkingar kláruðu Valsmenn í seinni hálfleik
Hvað réði úrslitum?
Jafnræði var með liðunum í fyrri hálfleik en Víkingur mætti tilbúnari til leiks í þeim seinni, tengdu betur saman sendingar og gengu á lagið.
Bestu leikmenn
1. Ari Sigurpálsson
Var sprækur á hægri kantinum í dag og var stanslaust að gera árasir á vörn Vals.
2. Pablo Punyed
Gat valið alla á miðju Víkinga. Pablo lét finna vel fyrir sér og heldur boltanum svakalega vel.
Atvikið
Helgi Guðjóns gerði tilraun til að fiska víti á Guy Smit og uppskar gult spjald. Guy var ekki sáttur með Helga fyrir þessa tilraun, stjakaði við honum og fékk einnig gult spjald.
Hvað þýða úrslitin?
Víkingur fer í fimmta sæti með þrettán stig og átta leiki spilaða. Valur situr í fjórða sætinu með þrettán stig líka en bara sjö leiki spilaða.
Vondur dagur
Miðjan hjá Val var ekki sannfærandi í dag og tapaði baráttunni gegn miðju Víkinga. Guy Smit átti þá ekki glaðan dag þar sem hann tognaði eftir úthlaup.
Dómarinn - 8
Jóhann Ingi með fín tök á leiknum, dæmdi tvær vítaspyrnur sem áttu rétt á sér.