SKÝRSLAN: Reykjanesbær grænn á bikarkvöldi
Hvað réði úrslitum?
Orkan í Njarðvíkurliðinu sem virtist alltaf eiga kraft til að mæta Keflvíkingum sama hverju þeir hentu í þá. Frábært kvöld fyrir þá grænu í alla staði
Bestu leikmenn
1. Einar Orri Einarsson
Þvílíkur stríðsmaður! Gaf allt sitt í þetta og meira til, reyndi að hlaupa áfram eftir að hafa fengið krampa en þurfti á endanum að fara af velli.
2. Magnús Þórir Matthíasson
Tvö mörk og hljóp sig í krampa líkt og Einar Orri, Tökum ekkert af uppöldum Njarðvíkingum sem voru líka frábærir í kvöld en það var eitthvað extra að sjá gamla Keflvíkinga stíga upp í liði Njarðvíkur og senda gamla félagið sitt úr keppni.
Atvikið
Það sem stendur upp úr er stemmingin í stúkunni og þá sérstaklega græna hliðin þegar fór að líða á leikinn. Frábært að sjá á vellinum og vonandi eitthvað sem koma skal í framtíð beggja liða.
Hvað þýða úrslitin?
Njarðvík er áfram en Keflavík úr leik svo einfalt er það.
Vondur dagur
Baráttuandi Keflavíkurliðsins sem var undir í flestum návígjum í leiknum í 90 mínútur. Njarðvíkingar voru alltaf mættir á hvern einasta bolta og gáfu Keflvíkingum engan frið og heimamenn komust aldrei yfirþað. Sérstakt shoutout á Stefán Martein að næla sér í pest á svona degi. Verulega vond tímasetning það hjá Njarðvíkingnum sem ætlaði að lýsa leiknum hér á Fótbolta.net
Dómarinn - 8
Get ekki annað en hrósað Helga heilt yfir. Þetta var alls ekki auðveldur leikur að dæma og hitinn var mikill á vellinum. En hann hélt haus og vel það sem hefur ekkert alltaf verið auðvelt fyrir hann.