SKÝRSLAN: Afturelding byrjaði vel en fær engin stig í verðlaun
Hvað réði úrslitum?
Afturelding var með yfirhöndina í fyrri hálfleik, en nær ekki að klára þau færi sem þau verða til. Í lok fyrri hálfleiks fær Afturelding svo skell í bakið og lenda marki undir. Í seinni hálfleik tekur ÍBV stjórnina á leiknum og það drepur Aftureldingu.
Bestu leikmenn
1. Olga Sevcova (ÍBV)
Var mjög flott í þessum leik. Hún skapaði mikið fyrir ÍBV, aðallega í seinni hálfleiknum. Hún skoraði líka eina mark leiksins.
2. Ameera Abdella Hussen (ÍBV)
Ameera spilaði mjög vel á miðju ÍBV. Hún átti flotta stoðsendingu á Olgu í markinu og hafði mikil áhrif á leikinn í seinni hálfleiknum þar sem ÍBV náði að stjórna.
Atvikið
Atvikið var að mínu mati á fyrstu mínútu leiksins þar sem Þórhildur Þórhallsdóttir fær boltann fyrir framan markið og á skot í slána, boltinn skoppar svo niður en fer ekki á línuna. Hefði verið frábær byrjun fyrir Afturelding ef þessu bolti hefði farið inn.
Hvað þýða úrslitin?
Afturelding er enn í næst neðsta sætu Bestu deildarinnar með aðeins þrjú stig eftir níu umferðir. ÍBV er núna í þriðja sæti þegar níundu umferð er lokið, frábær árangur hjá Vestmannaeyingum.
Vondur dagur
Afturelding átti mjög flottan fyrri hálfleik, en gerði mjög lítið í seinni hálfleik. Ein sem átti mjög lélegan leik í kvöld var Sesselja Líf sem var mikið að missa boltann og með lélegar sendingar.
Dómarinn - 8
Mjög vel dæmdur leikur hjá Ásmundi Þór og hans teymi í kvöld. Mjög lítið sem gerðist í þessum leik, en það var ekkert sem var dæmt á sem var hægt að mótmæla fyrir.