SKÝRSLAN: Stórsigur Fylkis gegn Gróttu
Hvað réði úrslitum?
Færanýting á seinasta þriðjungi. Fylkismenn nýttu alla sína sénsa og eru enn og aftur að skora úr hornspyrnu.
Bestu leikmenn
1. Ólafur Kristófer Helgason
Frábær í kvöld. Varði fáranlega vel, en gerði sig sekan um smá mistök í öðru marki Gróttu, skipti þó engu máli.
2. Þórður Gunnar Hafþórsson
Hljóp endalaust upp og niður kantinn. Var ógnandi allan tímann og ekki skemmdi mark fyrir.
Atvikið
Þegar Kjartan Kári Halldórsson fékk að líta rauða spjaldið í kjölfar brots á Þórði Gunnari. Þetta var virkilega sérkennilegur dómur þar sem að gult spjald hefði dugað.
Hvað þýða úrslitin?
Úrslitin þýða að Fylkismenn séu komnir í efsta sæti Lengjudeildar karla. Grótta situr þó enn í öðru sæti,-.
Vondur dagur
Varnarlína Gróttu hreppir þennan titil þar sem að þeir fengu á sig fimm mörk. Þeir vilja gleyma þessum leik og hugsa líklegast bara upp, upp og áfram.
Dómarinn - 3
Skrýtin dómgæsla í kveld. Rauða spjaldið sem hann dæmdi var vægast sagt fáranlegur dómur.