SKÝRSLAN: Gísli Eyjólfsson kom í veg fyrir framlengingu
Hvað réði úrslitum?
Gísli Eyjólfsson kom inn á 72. mínútu. Fékk boltann fyrir utan vítateig ÍA á 90. mínútu og setti boltann óverjandi og laglega í markhornið.
Bestu leikmenn
1. Dagur Dan Þórhallsson
Virkilega flottur leikur hjá Degi Dan. Duglegur, flottar sendingar og áræðinn.
2. Kaj Leo Í Bartalstovu
Verð að gefa honum þetta. Hann skorar úr vítinu og sækir jöfnunarmarkið af harðfylgni.
Atvikið
Jöfnunarmark ÍA.
Eða eins og fram kemur í textalýsingu: Hvað var Davíð Ingvars og Anton Ari eiginlega að gera!
Það kom löng há sending fram úr vörn ÍA. Davíð Ingvars hleypur að boltanum og Anton Ari kemur langt út úr markinu og hleypur Davíð niður. Kaj Leo nær bara nær boltanum,
Anton Ari er kominn langt út úr teignum og Kaj ekki í vandræðum með að setja boltann í autt markið.
Hvað þýða úrslitin?
Breiðablik eru komnir í 8 liða úrslit Mjólkurbikarins og ÍA dottnir út úr keppninni.
Vondur dagur
Engin sérstakur sem á vondan dag þannig lagað. ÍA voru slakir í fyrri hálfleik en bættu það upp í seinni. Blikar voru frábærir í fyrri hálfleik en ekki nægilega góðir í þeim seinni.
Dómarinn - 7
Fínn leikur hjá Vilhjálmi Alvari.