Þá er þessari miklu skemmtun lokið. Þvílík dramatík í lokin hérna.

Viðtöl og skýrsla koma seinna í kvöld.

VÍTASPYRNA FYRIR AFTURELDINGU!!

Brot í teig eftir hornspyrnu klaufalegt hjá Ásgeiri.

Venjulegum leiktíma lokið.

Það er talað um 5 mínútur í uppbót.

Frosti með góðan sprett upp kantinn og setur boltann fyrir þar sem Benedikt nær til boltans en skotið er hrikalega slakt og fer nær innkasti en markinu.

Elmar Kári með fínan skalla á fjærstöng sem er varið af Ólafi.

Andi Hoti hársbreidd frá því að skora sjálfsmark eftir að reyna verjast fyrirgjöf. Það gerðist þó ekki en hann gaf horn sem ekkert varð úr.

Hrafn með skot fyrir utan teig rétt yfir.

Þetta var alveg skelfilegt hjá honum Mathias Laursen.

Fylkismenn setja langan bolta fram og eru allt í einu orðnir 4 á móti einum. Mathias ákveður hinsvegar að gera þetta bara sjálfur og missir boltann í stað þess að gefa á samherja.

Hrikalega illa farið með gott færi.

Aukaspyrna fyrir Fylki í mjög góðri skotstöðu.

Skotið frá Arnóri Breka hátt yfir.

Boltinn fer endana á milli núna og þetta er að verða mjög skemmtilegur leikur.

DAUÐAFÆRI fyrir Benedikt!

Vörn Aftureldingar alveg með allt niðrum sig. Andi Hoti reynir sendingu yfir á Gunnar en Benedikt kemst inn á milli og er einn á móti markmanni. Esteve Pena gerir mjög vel að verja þetta.

Fylkismenn sækja hratt upp hægri kantinn en boltinn er aðeins of lengi að koma inn í teig. Skotið verður því erfiðara fyrir Benedikt en hann vinnur horn.

Hornin urðu 2 og var töluverð hætta af báðum en gestirnir fá aukaspyrnu fyrir brot á markmanni.

Fylkir byrjar af áreiðni. Benedikt tekur mikinn sprett upp vinstri kantinn og setur hann svo út á Nikúlás sem tekur skotið en það fer í varnarmann.

Seinni hálfleikurinn farinn af stað.

Þá er kominn hálfleikur í þessum leik. Fín færi á báða bóga en mistök gestana í vörninni hafa verið þeim að falli.

Sjáumst eftir korter.

Afturelding vinnur hornspyrnu.

Hún er tekin lágt meðfram jörðinni á Aron sem kemur með skemmtilega sendingu inn á miðja teiginn þar sem Andi Hoti nær skallanum.

Ólafur Kristófer þarf þá að hafa sig allan við að verja skotið.

Þetta var virkilega huggulegt frá Pedro.

Tekur þríhyrninginn með Kára og hælar boltann yfir á hann. Færið er hinsvegar full þröngt þannig það er varið.

Gestirnir aðeins að ógna eins og oftast í gegnum Pedro. Sendingin hans inn á teig nær á Elmar en skotið hans í varnarmann.

Þetta var frábær sending frá Hrafn yfir á Elmar. Elmar tekur gott hlaup og er rétt svo réttstæður og er þá sloppinn í gegn. Fylkismenn eru hinsvegar fljótir að bregðast við og gera skotið frá Elmari erfitt og því fer það framhjá.

Pedro tekur á sprettinn upp vinstri kantinn og reynir skotið fyrir utan teig en það fer vel framhjá.

DAUÐAFÆRI HJÁ AFTURELDINGU!!

Elmar Kári fær boltan ínn í teig og er aleinn gegn markmanni en skotið hans er varið en beint út í teig þar sem Aron Elí tekur skotið viðstöðulaust en það fer í slánna.

Þetta var ótrúleg atburðarrás.

Leikurinn fer nokkuð hægt af stað bæði lið aðeins að finna tempóið í leiknum

Lið Aftureldingar:

Albons
Georg - Gunnar - Andi - Aron
Kári - Ásgeir - Jökull
Elmar - Hrafn - Pedro

Lið Fylkis:

Ólafur
Hallur - Orri - Ásgeir - Arnór Breki
Arnór Gauti - Nikulás
Þórður - Birkir - Benedikt
Mathias

Arnór Gauti tekur langt innkast sem er mjög gott en Fylkismenn í teignum ekki nógu grimmir og gestirnir hreinsa.

Þá er þetta farið af stað. Vona að við fáum hörkuleik!

Þá labba dómararnir fremstir í röð inn á völlinn og leikmenn þar í fylgd. Leikurinn fer að hefjast!

Byrjunarliðin eru komin

Fylkir gerir tvær breytingar á liðinu sem tapaði 1-0 fyrir Ægi í bikarnum á dögunum. Það eru þeir Arnór Gauti Jónsson og Matthias Laursen sem koma inn í liðið á kostnað Frosta Brynjólfssonar sem sest á bekkinn og Daða Ólafssonar sem er ekki í hóp.

Afturelding gerir enga breytingu á liðinu sem tapaði fyrir Kórdrengjum í bikarnum en þá er áhugavert að Siggi Bond heldur áfram að sitja á bekknum.

Dómari leiksins

Pétur Guðmundsson mun sjá um dómgæslu hér í kvöld og honum til halds og trausts verða þeir Óli Njáll Ingólfsson og Friðleifur Kr Friðleifsson. Eftirlitsmaður KSÍ er Björn Guðbjörnsson.

Fyrsta skipti sem liðin mætast í deildarleik

Í ár er fyrsta skiptið sem þessi lið eru í sömu deild og því sögulegur leikur sem fer hér fram. Liðin hafa þó mæst í bikarnum 4 sinnum en Fylkir hefur unnið alla þá leiki með samanlagða markatölu 13-4. Hinsvegar er frekar langt síðan síðasti leikur fór fram en það var árið 2000.

Afturelding að komast í gírinn

Afturelding hóf tímabilið mjög illa og voru ekki komnir með sigur eftir 6 leiki. Nú hafa þeir unnið 2 leiki í röð en þeir leikir voru gegn Þór og Þrótti Vogum sem sitja í 10. og 12. sæti deildarinnar. Markaskorun hefur verið aðal vandalmál liðsins en þeir hafa bara skorað 10 mörk í deildinni í allt sumar og 4 þeirra marka kom í síðasta leik gegn Þór.
Aron Elí Sævarsson er markahæsti leikmaður Aftureldingar með 2 mörk.

Fylkir spilað undir væntingum

Flestir bjuggust við því fyrir tímabil að Fylkir myndi ganga frá þessari deild. Það hefur hinsvegar ekki alveg verið sagan og deildin verið mjög jöfn. Fylkir situr í 4. sæti með 14 stig og hafa unnið 4 af þeim 8 leikjum sem þeir hafa spilað. Þeir eiga þó möguleika að komast í efsta sætið með sigri í dag.

Benedikt Daríus Garðarsson er markahæsti leikmaður Fylkis hingað til.

Góða kvöldið og verið velkomin í beina textalýsingu frá Wurt vellinum í Árbænum. Leikurinn hefst klukkan 19:15