SKÝRSLAN: Fyrsti sigur Fram á nýjum heimavelli í Úlfársárdal
Hvað réði úrslitum?
Gæðaleysi í sóknarleik FH eða góður varnarleikur Fram? Fyrri hálfleikurinn var fjörugur og voru færi á báða bóga. Framarar komust yfir snemma í síðari hálfleik og eftir það lagðist liðið til baka og FH hélt meira í boltann án þess að ná að skapa sér neitt en varnarleikur Fram var gríðarlega sterkur þegar FH dældi boltanum inn á teig Framara.
Bestu leikmenn
1. Brynjar Gauti Guðjónsson (Fram)
Frumraun í Úlfarsárdal og var maður leiksins. Var með Matthías Villhjálmsson í vasanum allan leikinn og skallaði ég veit ekki hvað marga bolta í burtu úr teig Fram og var frábær aftast hjá Fram í kvöld.
2. Tiago Fernandes (Fram)
Tiago Fernandes var sprækur í liði Fram í kvöld og ógnaði að marki FH í fyrri hálfleik. Skoraði síðan sigurmark Framara snemma í síðari hálfleik þegar hann setti boltann örugglega í netið eftir sendingu frá Má Ægissyni.
Atvikið
Sigurmarkið Fram en það komu einhverjir fimm leikmenn Fram að því marki sem endaði með því að Már Ægisson lagði boltann út á Tiago Fernandes sem lagði boltann í netið. Frábært mark í alla staði.
Hvað þýða úrslitin?
Liðin gera sæta skipti. Fram kemur sér upp í áttunda sæti deildarinnar og er liðið komið með 13.stig en FH er í því 9 með tíu stig og aðeins tveimur stigum frá fallsæti
Vondur dagur
Matthías Villhjálmsson - Brynjar Gauti var með Matta í vasanum allan leikinn í kvöld og Matti náði lítið að koma sér í alvöru færi.
Dómarinn - 8
Egill Arnar og hans menn dæmdu þennan leik gríðarlega vel og var ekkert vesen á þeirra vakt í kvöld.