SKÝRSLAN: Færin fóru forgörðum
Hvað réði úrslitum?
Leikmenn einfaldlega náðu ekki að koma boltanum yfir marklínuna og inn í netið. Því fór sem fór. 0 - 0. En ekki vantaði færin báðum megin á vellinum.
Bestu leikmenn
1. Anton Ari Einarsson
Markmaður Blika var frábær og varði nokkrum sinnum virkilega vel og hélt sínum mönnum inn í leiknum
2. Höskuldur Gunnlaugsson
Var frábær á vellinum og stýrði sínum mönnum frábærlega.
Atvikið
Davíð Ingvarsson fékk beint rautt spjald á 9. mínútu leiksins fyrir ansi groddarlega tæklingu á Ástbjörn Þórðarson. Verðskuldað rautt.
Hvað þýða úrslitin?
Blikar eru enn í efsta sæti og auka forskot sitt á Víkinga sem eiga leik til góða. FH fór upp um eitt sæti og yfir ÍBV í 9. sæti deildarinnar með jafn mörg stig og ÍBV en aðeins skárri markatölu.
Vondur dagur
Davíð Ingvarsson átti augljóslega ekki góðan leik. Fær verðskuldað rautt mjög snemma leiks sem gerði Blikum erfitt fyrir.
Sóknarlína FH var svo ekki á skotskónum rétt reimuðum í dag.
Sóknarlína FH var svo ekki á skotskónum rétt reimuðum í dag.
Dómarinn - 5
Sigurður Hjörtur Þrastarson gerði virkilega vel í að dæma rauða spjaldið en eftir það var eins og hann væri ekki alveg viss um hvaða línu hann ætlaði sér að hafa í leiknum. Fullt af gulum spjöldum sem hefði alveg mátt sleppa. Síðan hefði Guðmundur Kristjánsson átt að fá sitt seinna gula fyrir brot á Jasoni Daða en það varð ekki.