SKÝRSLAN: Leiknismenn þunnir á sunnudegi
Hvað réði úrslitum?
Eyjamenn mættu bara ótrúlega peppaðir inn í leikinn og eins og frasinn góði segir "þeir vildu þetta bara meira" - Voru að vinna alla 50/50 bolta, grimmari og spiluðu bara flottan fótbolta í bland við þessa góðu baráttu, fyllilega verðskuldaður sigur hjá ÍBV.
Bestu leikmenn
1. Halldór Jón Sigurður Þórðarson
Dóri er í stuði þessa dagana það er bara svoleiðis. Virkilega líflegur í dag, alltaf hættulegur og skilaði stoðsendingu og góðu marki í dag.
2. Atli Hrafn Andrason
Líkt og Halldór var Atli virkilega sprækur í dag, mark og stoðsending. Atli virkilega skemmtilegur leikmaður
Atvikið
Það er ekki á hverjum degi sem maður sér mark koma 14 sekúndum eftir að dómarinn flautar til leiks þannig verð að segja mark Birgis.
Hvað þýða úrslitin?
Eins og staðan er núna eru Eyjamenn búnir að klifra upp um tvö sæti í 9. sæti með 11 stig meðan að Leiknismenn eru komnir í fallsæti.
Vondur dagur
Mikkel Dahl komst aldrei í takt við leikinn en honum smá til varnar voru Leiknismenn ekkert að mata hann með neinum góðum sendingum eða þess háttar, var bara ekki með í dag enda tekinn út af í hálfleik
Dómarinn - 7,5
Helgi Mikael flottur í dag, dæmdi réttilega víti og var með flott tök á leiknum