Þá er leik lokið hér og ég þakka bara kærlega fyrir mig. Þvílík skemmtun sem þessi fótboltaleikur var og þetta mark frá Emil var svo ótrúlega frábært, hvet alla til að kíkja á það.

Fylkir 5-2 Grindavík

Óskar stelur hér boltanum af Sigurjóni og kemst bara í fínt færi en skotið er varið í horn.

Venjulegum leiktíma er lokið og það ætti ekki að vera neitt alltof margar mínútur í uppbót.

Fylkismenn fá hér 3 hornspyrnur í röð og úr þeirri síðustu fær Frosti alveg fínt skallafæri en það fer yfir.

Grindavík er ekki sjón að sjá. Fylkismenn með algjöra yfirhönd í þessum seinni hálfleik.

Grindavík skorar hér líka mark sem er dæmt af fyrir rangstöðu. Aftur ekki glóru hvort það hafi verið rétt en leikmenn mótmæltu allaveg ekki mikið.

Fylkismenn skora mark hérna en dómarinn dæmir rangstöðu. Ég gat ekki séð hvort þetta hafi verið rétt eða ekki en treystum bara teyminu.

Fylkismenn fá horn sem nær að skapa töluverða hættu. Skot heimamanna fer í varnarmann og aftur út á Emil en skotið hans fer þá framhjá.

Svakalegur darraðadans inn á teig Grindvíkinga þar sem Þórður reynir eins og hann getur að ná skoti á markið.

Boltinn endar á að renna afturfyrir og dómarinn dæmir markspyrnu sem Fylkismenn eru alls ekki sáttir með.

Strax eftir einhverjar 5 sekúndur er Mathias Laursen svo nálægt því að komast í dauðafæri það vantaði bara einhverja nokkra cm að hann myndi ná skoti einn á móti markmanni.

Seinni hálfleikurinn hafinn.

Líflegum fyrri hálfleik lokið. Nokkuð jafnræði réð yfir en það var Grindavík sem náði að skora fleiri mörk og því leiða þeir. Vonumst bara eftir meira af því sama.

Sjáumst eftir korter.

Fylkismenn byggja upp góða sókn og gefa hann út á Þórð sem er aleinn fyrir utan teig en hann kemur með alveg arfaslakt skot sem fer hátt yfir.

Fylkismenn liggja á Grindvíkingum eins og er. En það er Grindavík sem fær færið.

Langur bolti fram og Kairo vinnur kapphlaupið, hann tekur eina snertingu inn á völl og tekur skotið en það fer framhjá.

Hraðinn í leiknum orðin örlítið minni en ennþá töluvert jafnræði yfir liðunum.

Fylkismenn senda hérna milli kantana í gegnum teiginn en enginn sóknarmaður virðist ætla að gera árás á þessa bolta.

Þá fæer bara Arnór Gauti að taka skotið fyrir utan teig en það er varið.

VÍTI!!!!

Gríndavík er að fá víti

Þrumuskot frá Símoni Loga fyrir utan teig sem fer reyndar frekar hátt yfir.

Hvernig var þetta ekki mark!

Benedikt Daríus fær gullfallega sendingu á sig og er kominn inn í teig. Þá fer hann framhjá einu og tekur skotið sem er varið.

Benedikt tekur frákastið og skotið hans er aftur varið.

Hornspyrna frá Símoni Loga sem virðist vera mjög slök og of stutt en Aron Jóh gerir rosalega vel að ná skoti en það fór rétt yfir markið.

Frábær sprettur frá Benedikt Daríus upp vinstri kantinn þar sem hann hristir af sér mann og annan.

Sendingin hans ratar síðan ekki á samherja en hann hrifsar boltan bara til sín aftur og tekur skot sem er varið í horn.

Ekkert kom út horninu.

Símon Logi með skot fyrir utan teig sem fer yfir.

Fyrsta horn leiksins kemur snemma og það eru Fylkismenn sem taka það.

Arnór Breki tók hornið og það var bara nokkuð fínt, Orri Sveinn næt skallanum en það fer yfir.

Þá er leikurinn farinn af stað!

Liðin eru að labba inn á völlinn og þurfa að taka smá aukagöngutúr þar sem vallarstjóri kveikti á vatninu beint fyrir framan þá en það ætti ekki að trufla þessa menn að fara í smá sturtu fyrir leik.

Það er fámennt en góðmennt 10 mínútum fyrir leik. Enska úrvalsdeildin var nú líka að fara í gagn og það gæti haft áhrif.

Byrjunarliðin eru komin í hús

Fylkir gerir aðeins eina breytingu á sínu liði en það er hann Emil Ásmundsson sem kom til liðsins í sumar glugganum kemur inn í liðið í stað Nikulás Val Gunnarsson

Grindavík gerir fjórar breytingar á sínu liði en það eru þeir Josip Zeba, Kairo Edwards-John, Símon Logi Thasaphong og nýji maðurinn Guðjón Pétur Lýðsson sem koma inn í liðið í stað Juanra Martínez, Tómas Leó Ásgeirssonar, Kristófer Páls Viðarssonar og Vladimir Dimitrovski.

Innbyrðis viðureignir

Þessi lið mættust síðast í deildinni þann 28. maí þar sem Grindavík fór með 1-0 sigur og Kristófer Páll Viðarsson skoraði eina mark leiksins.

Í síðustu 5 keppnisleikjum milli liðanna hefur Grindavík unnið þrisvar og Fylkir tvisvar. Markatalan samanlagt úr þessum leikjum eru Fylkir með 6 mörk og Grindavík með 6.

Á þessum tölum má kannski ekki búast við markaleik í kvöld en við vonumst til að þessi saga breytist í kvöld.

Grindavík í miðjumoði

Grindavík kemur inn í leikinn í slæmu formi þar sem þeir hafa tapað 3 síðustu leikjum í deildinni. Þeir sitja í 8. sæti á markatölu jafnir Kórdrengjum og Þór. Það er þó lítil hætta á falli þar sem það er komið 9 stiga munur á þeim og fallsætinu.
Alfreð Elías Jóhansson þjálfari Grindavíkur

Fylkir á góðri leið að fara aftur upp

Eins og er standa Fylkismenn í 2. sæti deildarinnar með 7 stiga forskot á það þriðja. Það hafa verið góð úrslit undanfarið hjá liðinu en þeir hafa unnið 5 leiki í röð. Rúnar Páll þjálfari horfir líkast til bara upp núna og stefnir á titilinn þar sem það er bara 1 stig upp í HK.

Góða kvöldið og verið velkomin í beina textalýsingu frá leik Fylkis gegn Grindavík í Árbænum í kvöld.

Leikurinn hefst klukkan 20:00