SKÝRSLAN: Ótrúlega sterkur og mikilvægur sigur Aftureldingar á Akureyri
Hvað réði úrslitum?
Aftuelding skorar á fyrstu mínútu og þær vörðust fram að hálfleik með glæsibrag. Ekki jafn mikið líf í Þór/KA í þeim síðari og Afturelding komst í færin.
Bestu leikmenn
1. Eva Ýr Helgadóttir
Alveg tvímælalaust best í dag. Engin smá pressa á henni en hún varði allt sem á markið kom.
2. Mackenzie Hope Cherry
Stóð vaktina vel í vörninni ens og margar aðrar, erfitt að taka einhverja eina út.
Atvikið
Það var athyglisvert atvik undir lok leiksins. Veronica Parreno Boix kom inná á 86. mínútu. Aðeins tveimur mínútum síðar er brotið á henni en ekkert dæmt, hún bregst þannig við að 'bodychecka' Söndru Maríu en dómararnir bregðast ekkert við því. Við það verður pirringur á bekknum hjá Þór/KA sem uppskar gult spjald.
Hvað þýða úrslitin?
Afturelding tókst að spyrna sér frá botninum og er nú aðeins einu stigi frá fallsæti en Þór/KA er einmitt í sætinu fyrir ofan. Verður hörku fallbaráttuslagur framundan!
Vondur dagur
Þór/KA liðið mætti ekki til leiks í upphafi og fékk ótrúlega sérstakt mark á sig á fyrstu mínútu leiksins. Þær voru þó mikið með boltann eftir það og sköpuðu sér helling án þess þó að skora sem verður að teljast ótrúlegt, tek þó ekkert af Evu Ýr í marki Aftureldingar og varnarleik liðsins í heild sinni.
Dómarinn - 6
Fínn leikur, svo sem ekkert mikið að gera það er bara spurning með 'Atvikið'.