Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 09. ágúst 2022 13:12
Guðmundur Aðalsteinn Ásgeirsson
Tvö lið sem hafa verið 60 prósent eða meira með boltann í sumar
Sif Atladóttir er mikilvægur partur af uppspili Selfoss. Hún er sá leikmaður sem hefur reynt langflestar sendingar í Bestu deild kvenna.
Sif Atladóttir er mikilvægur partur af uppspili Selfoss. Hún er sá leikmaður sem hefur reynt langflestar sendingar í Bestu deild kvenna.
Mynd: Fótbolti.net - Hafliði Breiðfjörð
Ekroth er sá leikmaður sem hefur reynt flestar sendingar í Bestu deild karla. Af þeim 1063 sendingum sem hann hefur reynt, þá eru 89,1 prósent heppnaðar.
Ekroth er sá leikmaður sem hefur reynt flestar sendingar í Bestu deild karla. Af þeim 1063 sendingum sem hann hefur reynt, þá eru 89,1 prósent heppnaðar.
Mynd: Fótbolti.net - Hafliði Breiðfjörð
FH hefur verið mikið með boltann en ekki tekist að gera meira við það.
FH hefur verið mikið með boltann en ekki tekist að gera meira við það.
Mynd: Fótbolti.net - J.L.
Það er alltaf gaman að rýna í gögnin, og hvað þá sérstaklega núna þegar við erum komin inn í seinni hlutann á Íslandsmótinu.

Sum lið leggja mikla áherslu á það að halda vel í boltann og líður best að vera með boltann, en svo eru önnur lið sem horfa öðruvísi á leikinn og eru helst ekki mikið með boltann.

Núna þegar við erum að síga á seinni hlutann á Íslandsmótinu þá eru tvö lið í Bestu deildunum sem hafa að meðaltali verið 60 prósent eða meira með boltann í leikjum sínum í sumar.

Í Bestu deild karla eru Víkingar búnir að vera 60,7 prósent með boltann í leikjum sínum. Næst koma Breiðablik (57,4) og FH (55,2). Það vekur athygli hversu ofarlega FH-ingar eru en þeir hafa ekki náð að gera mikið við það að vera svona mikið með boltann.

Keflavík (42,7) heldur minnst í boltann í Bestu deild karla en það hefur virkað ágætlega fyrir þá í sumar.

Í Bestu deild kvenna hefur Selfoss haldið best í boltann, 60,3 prósent. Svo koma tvö efstu liðin, Breiðablik (59,9) og Valur (56,1).

Þór/KA (41) heldur minnst í boltann og svo koma KR (41,8) og Keflavík (42,1) þar næst. Það eru lið sem eru að berjast við falldrauginn.

Varnarmenn sem reynt hafa flestar sendingar
Í báðum deildum eru það varnarmenn sem toppa lista yfir flestar reyndar sendingar. Landsliðskonan Sif Atladóttir er langefst yfir reyndar sendingar í Bestu deild kvenna og í Bestu deild karla er það sænski miðvörðurinn Oliver Ekroth sem er langefstur.

Sif spilar með Selfossi og Ekroth með Víkingum, liðunum sem halda best í boltann. Ljóst er að þau eru mikilvægur þáttur í uppspili liðanna tveggja.

Hér fyrir neðan má sjá hvernig þetta lítur út í heild sinni samkvæmt gögnum frá WyScout.

'Possession' í Bestu deild karla
1. Víkingur - 60,7
2. Breiðablik - 57,4
3. FH - 55,2
4. KR - 53,2
5. KA - 53,2
6. Valur - 51,6
7. Stjarnan - 46,5
8. ÍBV - 45,4
9. ÍA - 45,3
10. Leiknir R. - 45,2
11. Fram - 44,1
12. Keflavík - 42,7

'Possession' í Bestu deild kvenna
1. Selfoss - 60,3
2. Breiðablik - 59,9
3. Valur - 56,1
4. Stjarnan - 53,5
5. Þróttur R. - 50,9
6. ÍBV - 48,3
7. Afturelding - 44,2
8. Keflavík - 42,1
9. KR - 41,8
10. Þór/KA - 41
Athugasemdir
banner
banner
banner
banner