SKÝRSLAN: Fylkir sótti 3 stig vestur
Hvað réði úrslitum?
Fylkir kunna að ná í úrslit í svona jöfnum leikjum. Frekar fá færi og þeir náðu að nýta sinn möguleika vel og stýra leiknum svo í höfn. Vestri áttu nokkuð fínan dag en eru ekki komnir það langt að finna leiðir til að vinna svona leik.
Bestu leikmenn
1. Ólafur Kristófer Helgason
Varði meistaralega frá Silas og svo afar vel frá Pétri. Hann greip vel inn í þegar þurfti og að eiga svona stórar markvörslur í frekar lokuðum leik einfaldlega skipti sköpum í dag.
2. Mathias Laursen
Skoraði sigurmarkið og gerði sitt vel þó hann fékk á köflum ekki úr miklu að moða. Góður að halda bolta og koma honum á menn í kringum sig.
Atvikið
Í eins marks leik er það yfirleitt markið sem er atvik leiksins og það á vel við í dag. Þessi leikur virtist geta dottið hvoru megin sem er og mark Laursen í síðari hálfleik kláraði þetta fyrir Fylki.
Hvað þýða úrslitin?
Fylkir heldur í við HK í baráttu um titilinn en eru svo gott sem komnir upp í Bestu deildina eftir þetta. Vestri tapar öðrum leiknum í röð 0-1 en sigla jafn lygnan sjó og fyrir leik.
Vondur dagur
Fannst eiginlega enginn eiga það sem má kalla vondan dag.
Dómarinn - 6
Engir stórir dómar sem reyndu á hann en skrýtin lína oft í gulu spjöldunum.