SKÝRSLAN: Hefur þetta einhvern tímann gerst áður á Íslandi?
Hvað réði úrslitum?
Bæði lið fengu sín færi en færanýtingin var svo sannarlega ekki sérstök. Markverðir beggja liða voru líka í stuði í dag og eiga hrós skilið fyrir sína frammistöðu. Boltinn vildi bara ekki inn.
Bestu leikmenn
1. Signý Lára Bjarnadóttir (Fylkir)
Var með markahæsta leikmann deildarinnar í góðri gæslu. Virkilega flottur leikur hjá henni í hjarta varnarinnar.
2. Sunneva Helgadóttir (Fylkir)
Spilaði lengst af í hægri bakverði og átti mjög góðan leik, sérstaklega varnarlega. Átti eina rosalega tæklingu í seinni hálfleiknum. Markverðir beggja liða gerðu einnig tilkall hérna.
Atvikið
Þegar Guðrún Karítas átti skot í skeytin. Það hefði verið ótrúlegt mark ef boltinn hefði farið inn.
Hvað þýða úrslitin?
Þýða það að hvorugt þessara liða er að fara upp og hvorugt þeirra er að fara niður - það er hægt að bóka það. Þau verða áfram í Lengjudeildinni á næsta tímabili.
Það sem er athyglisverðast við þennan leik er að Fylkir var að gera sitt sjöunda jafntefli í röð en það er spurning hvort það sé Íslandsmet fyrir marga jafnteflisleiki í röð?
Það sem er athyglisverðast við þennan leik er að Fylkir var að gera sitt sjöunda jafntefli í röð en það er spurning hvort það sé Íslandsmet fyrir marga jafnteflisleiki í röð?
Vondur dagur
Linli Tu var ekki alveg á deginum sínum fyrir framan markið. Það eru miklar kröfur gerðar til hennar eftir sumarið sem hún er búin að eiga. Hún hefði klárlega getað skorað í dag, en hún var ekki alveg á sínum besta degi.
Dómarinn - 7,5
Nokkur smávægileg mistök hér og þar en heilt yfir var þetta mjög vel dæmdur leikur.