Breiðablik eru komnar í bikarúrslit! Svakalegur leikur sem bíður okkar í lok ágúst. Fotbolti.net þakkar fyrir samfylgdina á Selfossi i dag.

Blikar komnir í góða stöðu, Clara á skot af þröngu horni, Tiffany slær boltann afturfyrir. Aukaspyrna er dæmd á Blika eftir darraðrdans í teignum.

Birta fær að valsa um teig Selfyssinga með boltann og eftir að hafa sparkað boltanum í varnarmann tvisvar nær hún skalla á mark en Tiffany er vel á verði.

Susanna á full lausa sendingu til baka, Tiffany bíður á línunni og virðist hafa séð hlutina betur en ég. Birta kemst í boltan en hittir ekki á markið.

Brotið á Susanna Joy 5 metra frá vinstra vítateigshorni Blika. Aukapsyrnan fer yfir pakkann og endar í markspyrnu.

Selfyssingar með aðra hornspyrnu, spyrnan mun betri að þessu sinni en aukaspyrna dæmd.

Sif vinnur hornspyrnu fyrir Selfyssinga, spyrnan er ekki góð og boltinn fer afturfyrir.

Leikurinn er nokkuð opinn, en liðin eru ekki að koma sér í alvöru færi.

Selfyssingar sparka síðari hálfleik í gang.

Fyrri hálfleik lokið. Ekki mikið sem skilur liðin að, það er bara þetta undarlega mark. Það virtist vera nægur tími til að koma bultanum burt en okkur er sagt að leikmenn hafi verið að bíða eftir því að dómarinn dæmdi brot.

Karitas Tómasdóttir sleppur inn fyrir vörnina eftir laglegt spil, tekur skotið en mjög vel varið hjá Tiffany.

Blikar með enn eitt hornið, Agla með bolta inn á teig, aftur skallar Natasha yfir.

Selfyssingar sækja en eru ekki mjög markvissar í aðgerðum sínum.

Tiffany leikur sér að eldinum. Gefur boltann beint á Öglu Maríu sem gefur boltann á Vígdísi sem er aaaaaalein inni á miðjum vítateig. Skotið hennar var hins vegar ekki mjög gott og Tiffany var ekki í neinum vandræðm með að grípa boltann.

Selfyssingar svara, komast inn á teig, boltinn rúllar út og Þóra kemur með fast skot, Eva ver boltann alveg út við stöngina. Brenna skýtur svo yfir eftir hornspyrnuna.

Að því sögðu kemur Agla sendingu inn á teiginn þar sem Birta er nálægt því að ná til boltans.

Leikurinn hefur heldur róast eftir þetta mark.

Blikar taka horn, Agla með spyrnuna fyrir og þar rís Natasha hæst allra á teignum og nær föstum skalla en yfir markið.

Selfyssingar komast upp hægri kantinn og koma boltanum inn á teig, Brenna á hörkuskot sem Eva gerir vel í að verja.

STrax á efti komast Blikar svo í hættulega stöðu í teignum hinu megin.

Brenna er við það að sleppa ein í gegn en varnarmaður kemst fyrir skotið. Bergrós fær frákastið en nær ekki góðu skoti.

Blikar fá fyrstu hornspyrnu leiksins. Boltinn fer yfir á fjærstöngina, þar kemur Vigdís boltanum inn á markteig þar sem Unnur kassar boltann á Tiffany. Fyrsta hættan!

Liðin skiptast á að sækja, engar alvarlegar opnanir enn samt.

Aðalbjörn Heiðar hefur flautað þetta á, Breiðablik byrjar með boltann og sækja í suður, í áttina að félagsheimili Selfyssinga.

Jæja, þá er komið að þessu. Liðin, dómararnir og stuðningsfólk beggja liða tilbúin í slaginn. Látið leikana byrja!

Liðin hafa lokið við upphitun, mörkin eru komin á sinn stað og Ríkisútvarpið Sjónvarp eru að klára sína upphitun. Ungir knattspyrnuiðkendur eru tilbúnir að ganga fyrir liðunum með Mjólkurbikarfánann.

Það eru ekki að sjá nein stór tíðindi í byrjunarliðum liðanna.

Aðstæður til knattpsyrnuiðkunar eru til fyrirmyndar á Selfossi í dag. Létt gjóla að sunnan, afar háskýjað og 12°C.

Fyrirfram er Breiðablik töluvert sigurstranglegra liðið. Lengjan er að bjóða upp á 7,4 í stuðul á Selfoss sigur. Töfrar bikarsins eru hins vegar óútreiknanlegir og vonandi fáum við skemmtilegan fótboltaleik hér í dag.

Ef Selfyssingar hafa verið bikarlið, þá hafa Blikar verið bikaróðir. Fjórum sinnum bikarmeistarar í síðustu átta úrslitaleikjum. Hafa alls orðið bikarmeistarar 13 sinnum, aðeins Valur hefur unnið bikarinn jafn oft.

Í sumar hefur Breiðablik gengið vel, en hafa þó tapað fleiri stigum en Valur og sitja nokkuð örugglega í öðru sæti í þeirri Bestu.

Selfyssingar hafa verið mikið bikarlið síðustu ár og hafa verið í úrslitum þrisvar af síðustu sjö úrslitaleikjum. Eins og áður sagði náði það nýjum hæðum 2019 þegar Selfyssingar lyftu bikarnum.

Í sumar hefur Selfossliðinu ekkki gengið vel að koma boltanum í netið, aðeins Aftureldingu hefur gengið eins illa, en þessi lið hafa skorað 11 mörk í 12 leikjum. Á móti hafa Selfyssingar aðeins fengið á sig 12 mörk, þar eru aðeins Valur og Breiðablik sem standa betur. Selfoss virðist pikkfast í sjötta sæti í Bestu deildinni.

Fyrri leikurinn í undanúrslitum Mjólkurbikars kvenna fór fram í gærkvöldi þegar Valur sigraði Stjörnuna í Garðabæ 1-3. Sigurvegar dagsins í dag mæta því Valskonum í bikarúrslitum á Laugardalsvelli laugardaginn 27. ágúst.

Komið þið sæl lesendur góðir og verið velkomin í þessa textalýsingu frá seinni undanúrslitaleik Mjólkurbikarsins. Tvö góð Bestudeildarlið sem hafa átt misjöfnu gengi að fagna. Lánlausir Selfyssingar taka á móti stórliði Breiðabliks.

Þessi lið eru síðustu tveir bikarmeistarar. Blikar urðu meistarar síðasta sumar og Selfyssingar 2019, en enginn sigurvegari var krýndur 2020.

Leikvangur dagsins er hinn ægifagri JÁVERK völlur á Selfossi.