SKÝRSLAN: Þórsarar völtuðu yfir HK í fyrri hálfleik
Hvað réði úrslitum?
Frábær fyrri hálfleikur hjá heimamönnum og þeir stóðu vaktina vel í síðari hálfleik. Gekk ekkert upp hjá HK í dag.
Bestu leikmenn
1. Ion Perelló Machi
Magnaður leikmaður sem Þór nældi í undir lok félagsskiptagluggans. Hefur komið gríðarlega sterkur inn í liðið og skoraði glæsilegt mark í dag.
2. Bjarki Þór Viðarsson
Stóð vaktina í miðverðinum eins og herforingi. Þórs hjartað á réttum stað og fleygði sér fyrir allt.
Atvikið
Birkir Valur Jónsson leikmaður HK varð fyrir því óla´ni að viðbeinsbrotna þegar hann lenti illa eftir tæklingu strax á 8. mínútu, mikið áfall fyrir HK og Birki Val.
Hvað þýða úrslitin?
Þór fer upp í 6. sætið með 23 stig tímabundið að minnsta kosti. HK er áfram á toppnum, stigi á undan Fylki sem á leik til góða.
Vondur dagur
Leikmenn HK bitu rosalega lítið frá sér í dag. Það var ekki mikið að gera hjá Aroni Birki í marki Þórs í dag. Varnarleikurinn sömuleiðis ekki uppá marga fiska, menn voru bara að biðja um rangstöðu þegar Alexander rölti með boltann í átt að marki í seinna markinu og Ion fékk mikinn tíma á boltann til að skora fyrra markið.
Dómarinn - 6
Ágætis leikur hjá honum, ekki mikið um stórar ákvarðanir sem hann þurfti að taka. Spurning með aukaspyrnuna sem á 8. mínútu hvort það var inn í teig en það var svo sem ekki nein mótmæli. Svo voru nokkrar ákvarðanir spes en höfðu kannski ekki stór áhrif á leikinn.